BREAKING NEWS
latest

728x90

468x60

header-ad -->

අසරණ වූ මව රැකබලා ගන්න බැහැයි කියා දියණියයි පුතයි ලේලියි කුළල්කා වැලිමඩ 83 හැවිරිදි මවක්‌ පොලිසියට ගෙනත් දමයි

අසරණ වූ මව රැකබලා ගන්න බැහැයි කියා
දියණියයි පුතයි ලේලියි කුළල්කා
වැලිමඩ 83 හැවිරිදි මවක්‌
පොලිසියට ගෙනත් දමයි

වැලිමඩ නුගතලාව ප්‍රදේශයේ අසූතුන් හැවිරිදි මවක්‌ 20 දා පස්‌වරුවේ වැලිමඩ පොලිස්‌ ස්‌ථානයට ගෙනවිත් දමා ඇය රැගෙන ගොස්‌ රැකබලා ගැනීමට නොහැකි බව ඇගේ දියණිය, පුත්‍රයා සහ ලේලිය පොලිස්‌ ස්‌ථානයේදී කලහ කර ගනිමින් පැවසූහ.

මෙම තිදරු වයෝවෘද්ධ මව අසනීපව පසුවන අතර ඇය මීට මාස කිහිපයකට පෙර සිය දියණිය ළඟ සිට ඇති අතර පසුව ඇය මවට සැලකීමට නොහැකි බව පවසා සැමියා හැර ගොස්‌ (මෙම වයෝවෘද්ධ කාන්තාවගේ පුතා) දරුවන් සිව්දෙනෙක්‌ සමඟ ගම්පළ ප්‍රදේශයේ සිටින ඇයගේ ලේලියගේ නිවසට වාහනයකින් ගෙන ගොස්‌ දමා තිබේ. පසුව ලේලිය ඇය හට සැලකීමට නොහැකි බව පවසා මෙම වයෝවෘද්ධ කත වැලිමඩ පොලිස්‌ ස්‌ථානයට ගෙනවිත් තිබේ.

පොලිසිය වයෝවෘද්ධ කතගේ දියණිය සහ පුත්‍රයා සහ ලේලිය කැඳවා ඇය භාරගන්නා ලෙස පැවසුවත් කිසිදු දරුවකු ඇය භාර ගැනීම පොලිස්‌ ස්‌ථානයේදී ප්‍රතික්‍ෂේප කළේය.

වැලිමඩ පොලිස්‌ ස්‌ථානාධිපති පොලිස්‌ පරීක්‍ෂක එච්. එම්. ඩබ්. හේරත් මහතාගේ උපදෙස්‌ පරිදි පොලිස්‌ ළමා හා කාන්තා කාර්යාංශයේ ස්‌ථානාධිපතිනි උප පොලිස්‌ පරීක්‍ෂිකා නිමේෂා තෙන්නකෝන් මහත්මිය අදාළ වයෝවෘද්ධ කාන්තාවගේ දරුවන් හට කොපමණ උපදෙස්‌ ලබා දී කරුණු පැහැදිලි කළ ද දරුවන් ඇයව භාර ගැනීම දැඩි ලෙස ප්‍රතික්‌ෂේප කළේය.

බොරලන්ද සමන්ත කුමාර


« PREV
NEXT »

Facebook Comments APPID