රාජ්‍ය අමාත්‍ය දයාසිරි ජයසේකර මහතාට කොරෝනා වෛරසය ආසාදනය වී තිබේ.

එක්සත් ජාතික පක්ෂ නායක රනිල් වික්‍රමසිංහ මහතා ඊයේ (27) සවස පක්ෂ සභාපති කබීර් හෂීම් මහතා අතේ විපක්ෂ නායක සජිත් ‌ප්‍රේමදාස මහතා ‌වෙත විශේෂ පණිවුඩයක් යවා තිබේ.

අද සවස වික්‍රමසිංහ මහතාගේ ආරාධනාවකට අනුව ඒ මහතා මුණගැසුණු කබීර් හෂීම් මහතා සමග පක්ෂයේ දැනට මතුව ඇති අර්බුදය පිළිබදව සාකච්ජා කිරීමට වික්‍රමසිංහ මහතා කටයුතු කොට ඇත.

රන්ජන් රාමනායක මන්ත්‍රීවරයාගෙන් නඩු තීන්දුවලට බලපෑම් හා මන්ත්‍රීවරයාගෙන් තර්ජන එල්ල වූ බවට දැනට සේවය අත්හිටුවා ඇති මහාධිකරණ විනිසුරු ගිහාන් පිලපිටිය සිදුකරන ප්‍රකාශවල සත්‍යතාව පිළිබඳ ගැටලු මතුවී තිබේ.

සීඩී පට පහ තමන් ඉදිරියේදී මහලේකම්වරයාට භාර දුන්නා

ලදුපතක් නිකුත් කළා

ඒවා භාරදීමට අවශ්‍ය නැතැයි නීති උපදෙස් ලැබීලා

සභාගත කිරීම සඳහා පාර්ලිමේන්තුවේ මහ ලේකම්වරයාට පෙරේදා (22 වැනිදා) භාර දුන් දුරකථන සංවාද පහළොස් දහසක් අඩංගු සීඩී පට පහ නිසි පරිදි ක්‍රියාත්මක නොවන බව පවසමින් රන්ජන් රාමනායක මන්ත්‍රීවරයා විසින් යළි රැගෙන ගොස් ඇතැයි ආචාර්ය හර්ෂද සිල්වා මහතා පාර්ලිමේන්තුවේදී ප්‍රකාශ කළා.

බහුකාර්ය සංවර්ධන කාර්ය සාධක බළකා දෙපාර්තමේන්තුව සඳහා පුහුණු තනතුරු සඳහා බඳවා ගැනීම් මේ වන විට ආරම්භ කර තිබෙනවා.

ඒ සඳහා වූ අයදුම්පත් අදාළ ග්‍රාම නිලධාරී කාර්යාලවලින් ලබා ගැනීමේ අවස්ථාව හිමිවනවා.

කරු ජයසුරිය මහතා සජිත් ප්‍රේමදාස මහතාගෙන් විශේෂ ඉල්ලීමක් කර තිබෙනවා.

ඒ, රනිල්වද පක්ෂයෙන් ඉවත් නොකොට ඔහුත් සමඟම පක්ෂයේ ඉදිරි ගමන යා යුතු යැයි කියායි.

එක්සත් ජාතික පක්ෂ අභ්‍යන්තරයේ පැනනැඟී ඇති නායකත්ව අර්බුදය විසඳා ගැනීම සඳහා අවසන් වරට ඉකුත් 09 වැනි බ්‍රහස්පතින්දා සිරිකොත පක්ෂ මූලස්ථානයේ පැවැති එජාප මන්ත්‍රි කණ්ඩායම් රැස්වීම මෑත කාලයේ පැවැති ඉතාමත් අශීලාචාර, අශෝභන සහ ආන්දෝලනාත්මකම මන්ත්‍රි කණ්ඩායම් රැස්වීම ලෙස මේ වනවිට ඉතිහාසයට එක්වී හමාරය.

ප්‍රජාතන්ත්‍රවාදී ජාතික පෙරමුණේ නායකත්වය භාරගෙන මහ මැතිවරණය මෙහෙයවන ලෙස එක්සත් ජාතික පක්ෂ නායක රනිල් වික්‍රමසිංහ මහතා කථානායක කරු ජයසූරිය මහතාට මෙම සතියේදී ආරාධනා කිරීමට සූදානම් වන බවට එජාප අභ්‍යන්තර ආරංචිමාර්ග වල පැවසේ.

යහපාලන රජයේ ප්‍රබල දේශපාලන චරිතයක් වූ ශ්‍රී ලංකා මහජන කොංග්‍රසයේ නායක රිෂාඩ් බදියුදීන් මහතා වත්මන් රජයට එක්වීම සඳහා උත්සාහ දරමින් සිටින බව වාර්තා වනවා.

රජයේ හිතවතුන් ගණනාවක් මුණගැසී ඇති ඔහු බැසිල් රාජපක්ෂ මහතා ලංකාවට පැමිණි වහාම සාකච්ඡා කිරීමට සුදානම් වනවා.

හිටපු ජනාධිපති මෛත්‍රීපාල සිරිසේන මහතා මෙවර පාර්ලිමේන්තු මැතිවරණයට ඉදිරිපත්වීමට බලාපොරොත්තු වන්නේ කථානායක ධුරය ලබාගැනීමේ අපේක්‍ෂාවෙන් බව පාර්ලිමේන්තු මන්ත්‍රී ඒ එච් එම් ෆවුසි මහතා සඳහන් කරනවා.

එක්සත් ජාතික පක්ෂ මහ ලේකම් අකිල විරාජ් සහ හිටපු අමාත්‍ය සහ පක්ෂයේ සභාපති කබීර් හෂීම් අතර ගැටුම්කාරී තත්ත්වයක් ඊයේ (16) මතුවූ බව පක්ෂ අභ්‍යන්තර ආරංචි මාර්ග පවසනවා.

පක්ෂ නායක රනිල් වික්‍රමසිංහගේ ප්‍රධානත්වයෙන් එක්සත් ජාතික පක්ෂයේ මන්ත්‍රී කණ්ඩායම් රැස්වීම සිරිකොත පක්ෂ මූලස්ථානයේදී අද (16 ) පැවැත්වීමට නියමිතව තිබෙනවා.

රනිල් වික්‍රමසිංහ සිංගප්පුරුවේ සංචාරයකට එක්ව සිටින අතර අද (16 ) පෙරවරුවේ දිවයිනට පැමිණීමට නියමිතයි.

යහපාලන රජය විසින් සිදුකරන ලද මාර්ග සංවර්ධන ව්‍යාපෘතීන් සඳහා ජනතාවගේ ඉඩම් අත්පත් කරගැනීමේ දී ඒ සඳහා නිසි තක්සේරුවක් ලබා දී නොමැති බවත් මෙසේ සංවර්ධනයට මුවා වී තම පෞද්ගලික සුභ සුද්ධිය තකා කටයුතු කරමින් අසාධාරණ පාලනයක් ගෙන ගොස් ඇති බවත් වරාය හා නාවික කටයුතු, මාර්ග හා මහා මාර්ග සංවර්ධන ගරු අමාත්‍ය ජොන්ස්ටන් ප්‍ර‍නාන්දු මැතිතුමා පවසයි. එතුමා මේ බව පැවසූයේ අද (14) අධිවේගී මාර්ග නිරීක්ෂණ චාරිකාවක් සඳහා එක්වෙමින් මාධ්‍යවේදීන් හමුවේ අදහස් දක්වමිනි. එහිදී වැඩිදුරටත් අදහස් දැක්වූ අමාත්‍යවරයා කියා සිටියේ, අධිවේගී මාර්ග සංවර්ධනයේ දී ජනතාවට මුහුණ පාන්නට සිදු ව ඇති මෙතෙක් නොවිසඳුණු ගැටළු සඳහා ඔවුන් සමගම සාකච්ඡා කරමින් ලබාදිය හැකි විසඳුම් කඩිනමින් ඔවුන් වෙත ලබාදීමට තමා කටයුතු කරන බවයි.

“මේ නිරීක්ෂණ චාරිකාවේ අරමුණු වලින් එකක් තමයි මෙහි සංවර්ධනය කෙසේද සිදුවන්නේ සහ එහි තියෙන අඩුපාඩුකම් පිළිබඳව සොයාබැලීම. ඊටත් වැඩිය විශේෂයෙන් ම ජනතාව පීඩනයට පත්වෙලා තියෙනවා ප්‍ර‍ශ්න ගණනාවක් තිබිලා තියෙනවා ගිය රජය ඇහුම්කන් නොදුන් ප්‍ර‍ශ්න. ඒ නිසා අපි දේශපාලන අධිකාරියේ ඉල්ලීම පරිදි තමයි ඇමතිවරයා හැටියට මම ඇවිල්ලා ඉන්නේ ඒ ජනතාව සමග සාකච්ඡා කරලා ඔවුන්ගේ දැවෙන ප්‍ර‍ශ්න ඔවුන් ළඟටම ඇවිල්ලා අමාත්‍යංශයක් හැටියට අපි විසඳුමක් දෙන්න පුළුවන් ඒවට විසඳුම් දෙන්න.

මහින්ද රාජපක්ෂ ජනාධිපතිතුමාගේ රජය යටතේ වන්දි ගෙව්වේ ඒ ඉඩම් වල එදා තිබුණ වටිනාකමට නෙවෙයි. අවුරුදු තිහක් ඉදිරියට වටිනාකම බලලා තමයි වන්දි ගෙව්වේ. සංවර්ධනයේ දී ජනතාව පීඩනයට පත්කළේ නැහැ. ඒ විතරක් නෙවෙයි ආර්ථික වශයෙන් ඔවුන් ශක්තිමත් කරපු දෙයක් හැටියටයි එය අපි දකින්නේ. ඉඩම් පවරගන්නා විට ඔවුන්ට ස්ථාවර විදියට ඔවුන්ගේ අනාගතය සුරක්ෂිත වෙන විදියට තමයි අපි එදා ඉඩම් පවරා ගන්නකොට වටිනාකමක් ලබාදුන්නේ. 2015 න් පස්සේ යහපාලන ආණ්ඩුව ආවට පස්සේ ඉතාමත් කුරිරු ලෙස ජනතාවගේ පැත්තෙන් බලන්නේ නැතිව ඔවුන්ගේ ඉඩ කඩම් පවරගන්න විට එදා තිබුණ මිළට තමයි තක්සේරු කරලා ඉවර වෙලා ඔවුන්ට ගෙවලා තියෙන්නේ. ඒත් ඒ තක්සේරු වල ප්‍ර‍ශ්න ගණනාවක් තියෙනවා. ඒ නිසා තමයි අද ජනතාව ලිපි ගණනාවකින් අපිව දැනුවත් කරලා තියෙන්නේ. ඒ සඳහා අපි විසඳුම් දෙන්න බලාපොරොත්තු වෙනවා. ජනතාවට ගෙවන මුදල අඩු කරන එක විතරක් නෙවෙයි එදා දුන්න තක්සේරුවත් ඉතාමත්ම අසාධාරණ තක්සේරුවක් හැටියටයි අපි දකින්නේ. හිතක් පපුවක් නැතිව තමයි සංවර්ධනය කරන ගමන් රටේ ඒකෙන් හොරකම් කරමින් අහිංසක ජනතාවගේ ඉඩම් පවරගන්නකොට ජනතාව දිහා බලන්නේ නැතිව තමන් විතරක් යැපෙන්න, ඇමතිවරු යැපෙන්න, අගමැතිවරු යැපෙන්න බලපු යුගයක් තමයි ඒ යුගය. මේ ආණ්ඩුව යටතේ ඉතාමත්ම ඉක්මනින් මේ ව්‍යාපෘතියේ වැඩකටයුතු අවසන් කරන්නයි අපි බලාපොරොත්තු වෙන්නේ.

සියයට 15 ක් රජයක් හැටියට අපි ණය මුදල ලබාගන්න ගෙවන්න ඕන. ඉතින් වෙලා තියෙන්නේ මේ රටේ ආර්ථිකය සම්පූර්ණයෙන් ම මහ බැංකුව හොරා කාලා මේ රටේ ආර්ථිකය විනාශ කරලා මේ පසුගිය අවුරුදු පහේ ක්‍රියාකරපු අකාරය බැලුවම මීරිගමින් ආරම්භ කරලා තියෙනවා. මුලක් නැහැ. මේක විතරක් නෙවෙයි. මීරිගම දක්වා අධිවේගී මාර්ගය තවම ආරම්භ කරලා නැහැ. ත්‍රෛනිකායික නායක හාමුදුරුවන් වහන්සේලා ට මොනවා කිව්වත් ගිහිල්ලා කිරිඇල්ල ඇමතිතුමා සහ හිටපු අගමැතිතුමා ඇත්ත වශයෙන්ම ඔවුන් කිසිම සැලසුමක් නැතිව වැඩකටයුතු කරලා තියෙන බවයි අපිට පේන්නේ. අපි බලාපොරොත්තු වෙන්නේ මේක ඉතාමත් ඉක්මනින් වැඩ කටයුතු ආරම්භ කරලා ඉවර වෙලා අවසන් කරන්න.

මහින්ද රාජපක්ෂ ජනාධිපතිතුමා බලයේ හිටියා නම් මධ්‍යම අධිවේගී මාර්ගයේ තමයි දැන් මේ රටේ ජනතාව ගමන් කරන්නේ. නමුත් මේකෙ සංවර්ධනය වසර 25 ක් ආපස්සට ඇදගෙන ගිහිල්ලා තියෙනවා යහපාලන ආණ්ඩුව. මට දැනෙන විදියට මේ මීරිගම කොටස අවසන් කරන්න තවත් වසර 04 ක් පමණ ගතවෙයි. අපි බලාපොරොත්තු වෙන්නේ මීරිගම ඉඳලා කුරුණෑගලට හැකිතරම් ඉක්මනට හදලා ඉවර කරන්න. අඩු ගාණෙ මීරිගම සිට කුරුණෑගලට හරි ජනතාවට යන්න පුළුවන් වෙන්න. මේ සම්පූර්ණ වගකීම පසුගිය රජය ගන්න ඕන. කයිවාරු ගැහුවට, මඩ ගැහුවට ඔවුන් වැඩ බැරි අසාධාරණ ආණ්ඩුවක් හැටියටයි අපි දකින්නේ…..” යැයි ද අමාත්‍යවරයා එහිදී වැඩිදුරටත් පැවසීය.

හිටපු අග්‍රාමාත්‍ය රනිල් වික්‍රමසිංහ මහතා පාර්ලිමේන්තුවේ කාමර අර්බුදයකටද මුහුණදී සිටින බව පාර්ලිමේන්තු ආරංචි මාර්ග පවසනවා.

මේ වන විට අගමැති ධුරයත්, විපක්ෂ නායක ධුරයත් යන දෙකම අහිමි වී ඇති නිසා පාර්ලිමේන්තුවේ ඔහුට සිටීමට සිදුව ඇත්තේ මන්ත්‍රිවරුන්ට ලබාදෙන කාමරයකයි.

සිංහල මවුවරුන් වන්ද්‍යකරණයට ලක් කළා යැයි චෝදනා එල්ල වූ වෛද්‍ය සාෆි ශිහාබ්ඩීන් නැවතත් සේවයේ පිහිටුවන්නැයි ස්වාධීන රාජ්‍ය සේවා කොමිසම ලබා ගත් තීරණය අහෝසි කරන්නැයි ජනපති ගෝඨාභය රාජපක්ෂ මහතා විසින් නියෝග කර තිබේ.

අද (09) පැවැති එක්සත් ජාතික පක්ෂයේ මන්ත්‍රී කණ්ඩායම් රැස්වීම දැඩි අර්බුදකාරී වාතාවරණයක් මැද අවසන් වී ඇති බව දැනගන්නට ඇත.

මෙහිදී ආරම්භයේ සිටම මන්ත්‍රීවරුන් ‌දෙපැත්තට ‌බෙදී පක්ෂ නායකත්වය සම්බන්ධයෙන් අදහස් දැක්වීමට පටන් ‌ගෙන ඇති අතර එක් කණ්ඩායමක් සජිත් ‌ප්‍රේමදාස මහතාට නායකත්වය ලබා දිය යුතු බවටත්, තවත් කණ්ඩායමක් රනිල්-කරු-සජිත් යන තිදෙනාම එක්ව පක්ෂය ඉදිරියට රැගෙන යා යුතු බවටත් තර්ක විතර්ක ඉදිරිපත් කර තිබේ.

කෙසේවෙතත් රනිල්-කරු-සජිත් යන තිදෙනාම එක්ව පක්ෂය ඉදිරියට රැගෙන යායුතු බවට මතය දරන පිරිස වැඩිවෙත්ම සජිත් පිල ‌නියෝජනය කරන මන්ත්‍රීවරුන් දැඩි කලබලයට පත්ව ආවේගශීලීව හැසිරීමට පටන්ගෙන ඇති බව දැනගන්නට ඇත.

විශේෂයෙන් හරීන් ප්‍රනාන්දු, අජිත් පී. ‌පෙරේරා සහ සුජීව ‌සේනසිංහ යන මන්ත්‍රීවරුන් පරුෂ වචන කියමින් ආවේගශීලීව හැසිරීමට පටන් ‌ගෙන ඇති අතර නවීන් දිසානායක මහතා හා ඔවුන් අතර ගුටිබැට හුවමාරුවක් සිදුවීමට ගිය බවක්ද දැනගන්නට තිබේ.

කෙසේවෙතත් ‌මෙම තත්ත්වය මැද වික්‍රමසිංහ මහතා දැනුුුුම් දී ඇත්තේ තමන් ‌හෙට දිනයේදී විදෙස්ගත වන බවත්, ලබන බ්‍රහස්පතින්දා යළිි දිවයිනට පැමිණෙන බවත්, එසේ පැමිණීමෙන් පසුව බ්‍රහස්පතින්දා දිනයේදීම පක්ෂ නායකත්වය සම්බන්ධයෙන් මන්ත්‍රී කණ්ඩායම තුළ ජන්දයක් විමසීමට පියවර ගන්නා බවත්ය.

සුළු හා මධ්‍ය පරිමාණ ව්‍යාපාරිකයින් වෙනුවෙන් සහන පැකේජයක් ලබාදීමට රජය තීරණය කර ඇති බව සංවර්ධන බැංකු සහ ණය යෝජනා ක්‍රම පිලිබඳ රාජ්‍ය අමාත්‍ය ෂෙහාන් සේමසිංහ අමාත්‍යවරයා පවසනවා.