පිඹුරා සමඟ නැටූ තරුණිය ඇප මත මුදාහැරීමට නියෝග 

උපන්දිනය දවසේ මිලියන 6 ක වටිනාකමකින් යුත්
Ventilation Machine එකක් පරිත්‍යාග කල ටීචර් අම්මා!

අප සැමගේ ජීවිතවල "උපන්දිනය" යනු සුවිශේෂී දිනයකි. බොහෝ දෙනෙක් එය සාද පවත්වමින්, මිතුරන් සමඟ විනෝද වෙමින් හෝ පවුලේ උදවිය සමඟ සතුටු වෙමින් ගත කිරීමට ප්‍රිය කරති. එහෙත්, තමන් උපන් දිනය තවත් පිරිසකට ජීවිතය දෙන, සමාජයට ආදර්ශයක් සපයන පුණ්‍යකර්මයක් බවට පත්කළ හැකි බව පසුගියදා අපට අසන්නට ලැබුණි.

මෙම සුවිශේෂී පුවතේ හිමිකාරිණිය වන්නේ අප කවුරුත් දන්නා හඳුනන ගුරුවරියක වන ආචාර්ය හයේශිකා ප්‍රනාන්දු මහත්මියයි.

අපේක්ෂාවේ දරුවන්ට හුස්ම දීමක්

දකුණු ආසියාවේ ඉහළම ප්‍රතිශතයකින්
ඉන්ධන මිල ඉහළ දමූ රට බවට ශ්‍රී ලංකාවයි

හිටපු ජනාධිපති රනිල් වික්‍රමසිංහ 2023 වසරේ University of Wolverhampton හි උපාධි ප්‍රදානෝත්සවයට සහභාගී වන ලෙස ආරාධනා කර තිබූ බවත්, එහිදී ඔහුගේ බිරිඳ වන මෛත්‍රී වික්‍රමසිංහට ගෞරව මහාචාර්ය පදවියක් පිරිනමන ලද බවත් එම විශ්වවිද්‍යාලය Criminal Investigation Department (Sri Lanka) වෙත දැනුම් දී ඇති බව ‘Sunday Times’ පුවත්පත වාර්තා කරයි.

මෙම තොරතුරු ලබාදී ඇත්තේ කොළඹ කොටුව මහේස්ත්‍රාත් අධිකරණය විසින් නිකුත් කළ නියෝගයකට අනුව CIDය කළ විමසුමකට ප්‍රතිචාර වශයෙන් බව සඳහන් වේ. එසේම, අදාළ විශ්වවිද්‍යාලය රාජ්‍ය අරමුදල් ලබන රජයට අනුබද්ධ ආයතනයක් බවද එහි උපකුලපතිවරයා CID අධ්‍යක්ෂවරයාට දන්වා තිබේ.

ගිය මාසේ තෙල් ලීටර් 40ක් ගැහුවා නම් මේ මාසේ 30ට අඩු කරන්න
“ජනතාවම තෙල් භාවිතය අඩු කරන්නවානම් QR ඕන නෑ…

ජනතාව ස්වයංව ඉන්ධන පරිභෝජනය අඩුකරගන්නේ නම් QR පද්ධතියක් හඳුන්වාදීමේ අවශ්‍යතාවක් නොමැති බව නියෝජ්‍ය අමාත්‍ය චතුරංග අබේසිංහ පවසයි.

ඔහු සඳහන් කළේ අනවශ්‍ය ගමන් බිමන් සීමා කිරීම, විදුලි පරිභෝජනය අවම කිරීම සහ පොදු ප්‍රවාහන සේවා භාවිත කිරීම මගින් ජනතාවට ඉන්ධන භාවිතය අඩුකරගැනීමට හැකි බවයි.

ශ්‍රී ලංකා රග්බි සංගමය ඇතුළේ අර්බුදයක්?
තීරණ කිහිපයක් ගැන දැඩි චෝදනා

Sri Lanka Rugby යටතේ පාලනය වන ශ්‍රී ලංකා රග්බි ක්‍රීඩාව අද වන විට බරපතල ගැටලු රැසකට මුහුණ දෙමින් පවතින බව ක්‍රීඩා ලෝකයේ විවිධ පාර්ශ්ව පෙන්වා දෙයි.

සංගමයේ සභාපති පවිත්‍ර ප්‍රනාන්දු විසින් ගනු ලබන ඇතැම් තීරණ ක්‍රීඩාවේ සමස්ත සංවර්ධනයට වඩා සමාජ කණ්ඩායම් කිහිපයකට වාසිදායක වන බවටද විවේචන එල්ල වෙමින් පවතී.

විනිසුරුවන්ගේ කටයුතු, තරඟ සංවිධානය සහ තීරණ ගැනීමේ ක්‍රියාවලිය සම්බන්ධයෙන්ද ගැටලු රැසක් මතුව ඇති අතර, ගම් මට්ටමේ සිට පළාත් මට්ටම දක්වා ක්‍රීඩාව සංවර්ධනය කිරීම වෙනුවට ජාත්‍යන්තර බලපෑම් සහ පෞද්ගලික බලය වෙත වැඩි අවධානයක් යොමු වී ඇති බවටද චෝදනා පවතී.

Piumi Hansamali සමඟ මීට පෙර සමීප සබඳතාවක් පැවැත්වූ බව සමාජ මාධ්‍යවල සඳහන් වන පුද්ගලයෙකු මූල්‍ය වංචා චෝදනාවක් මත අත්අඩංගුවට ගෙන ඇති බව වාර්තා වේ.

ලැබී ඇති තොරතුරු අනුව, මෙම පුද්ගලයා රුපියල් කෝටියකට අධික මුදලක් වංචා කළ බවට චෝදනා එල්ල වී තිබේ. එම මුදල් වංචාව සම්බන්ධයෙන් පීඩිත පාර්ශවය විසින් ඉදිරිපත් කළ පැමිණිල්ලක් මත අත්අඩංගුවට ගැනීම සිදු කර ඇති බව ආරංචි මාර්ග සඳහන් කරයි.

මැදපෙරදිග යුද වාතාවරණය හේතුවෙන් ඉදිරි සති කිහිපය
ශ්‍රී ලංකාවට තීරණාත්මකයි
නියෝජ්‍ය ආරක්ෂක අමාත්‍ය අරුණ ජයසේකර අනතුරු අඟවයි

මැදපෙරදිග ප්‍රදේශයේ මතුව ඇති යුදමය වාතාවරණය හමුවේ ඉදිරි සති කිහිපය ශ්‍රී ලංකාව සඳහා තීරණාත්මක කාල පරාසයක් විය හැකි බව නියෝජ්‍ය ආරක්ෂක අමාත්‍ය අරුණ ජයසේකර පවසයි.

එම තත්ත්වය හේතුවෙන් රට තුළ අත්‍යවශ්‍ය සේවාවන් සැපයීමේදී ප්‍රමාදයන් ඇති විය හැකි බවද ඔහු සඳහන් කළේය.

“වර්තමානයේ ඇතිවෙලා තියෙන යුදමය වාතාවරණය නිසා නැව් ගමනාගමනයටත් ගුවන් යානා ගමනාගමන කටයුතුවලටත් සීමාවන් පනවලා තියෙනවා. ඒ අනුව අපි බලාපොරොත්තු වෙච්ච සහ අපි ඉල්ලුම් කරපු අත්‍යවශ්‍ය සේවාවන් සමහරවිට ප්‍රමාද වීමට ඉඩ තියෙනවා,” යැයි ඔහු ප්‍රකාශ කළේය.

සරලභාවය ප්‍රශංසා කළ කතානායකට නිවාස දෙකක්?
ලේකම් එක්ක ලොරිස් පාරේ නිවාස දෙකකට එයි…!

කතානායක ජගත් වික්‍රමරත්න සහ ඔහුගේ පෞද්ගලික ලේකම් චමීර ගාල්ලගේ යන දෙදෙනාට රජයේ නිවාස දෙකක් ලබාදීම සම්බන්ධයෙන් රාජ්‍ය පරිපාලන, පළාත් සභා සහ පළාත් පාලන අමාත්‍යංශය මගින් නිකුත් කළ බව පැවසෙන ලිපි දෙකක් සමාජ මාධ්‍යවල සංසරණය වෙමින් පවතින බව වාර්තා වෙයි.

එම ලිපි අනුව, නිවාස දෙකම කොළඹ ලොරිස් මාවතේ එකම නිවාස පරිශ්‍රයකින් වෙන්කර ඇති බව සඳහන් වේ. කතානායකවරයාට නිල නිවසක් හිමි වුවද, ඔහු එය දැනට භාවිත නොකරන බවද පැවසේ.

ලංකා විදුලිබල මණ්ඩලය විසින් යටිතල පහසුකම් සහ ක්‍රමෝපායික සංවර්ධනය පිළිබඳ පාර්ලිමේන්තු ආංශික අධීක්ෂණ කමිටුව වෙත ඉදිරිපත් කළ නිල ලිපියකට අනුව, ලක්විජය බලාගාරය සඳහා ලබාගත් බාල ගුණාත්මක ගල්අඟුරු නැව්වාර 8ක් හේතුවෙන් රුපියල් මිලියන 7,672.1ක (කෝටි 767කට ආසන්න) සෘජු මූල්‍ය අලාභයක් සිදුව ඇති බව අනාවරණය වී ඇත.