ශ්‍රී ලංකා පොදුජන පෙරමුණේ මැරයන් ගාලු මුව‍ෙදාර සාමකාමී උද්ඝෝෂණයට පහර දී ගිනි තැබීමට පෙර දින දක්වා ජනාධිපති ලේකම් කාර්යාලයේ හා ඒ අවට ආරක්‍ෂාව භාරව සිටි නියෝජ්‍ය පොලිස්පති චම්පික සිරිවර්ධන මහතා වහා ක්‍රියාත්මක වන පරිදි කෑගල්ල දිසාව භාර නියෝජ්‍ය පොලිස්පතිවරයා ලෙස මාරු කර යවා ඇතැයි වාර්තා වේ.

ඒ අනුව, වසරක කාලයක් තුළ ඔහු මෙලෙස ස්ථාන හතකට මාරුකර යැවිණි.

ඉකුත් මස 23 වන දා සිට ඉකුත් 8 වන දා දක්වා ම ගාලු මුව‍ෙදාර ජනාධිපති කාර්යාලයේ ආරක්‍ෂාව සඳහා පැය 24 පුරා ම ඒ මහතා යොදවා තිබූ අතර මෙම කාලය තුළ ඔහුට කිසිදු විවේකයක් ලබා දී නැතැයි ද වාර්තා වේ. මේ හේතුවෙන් ඒ මහතා ඉකුත් 8 වන දා රාත්‍රියේ අසනීප වී රෝහල් ගතකර ඉකුත් 13 වන දා සුවය ලබා නැවත සේවයට වාර්තා කිරීමට යෑමේදී ඔහුට නව ස්ථාන මාරුව ලැබී තිබිණි.

මෙරටට ආනයනය කරන ලද ඉන්ධන නැව් තුනකට ඩොලර් ගෙවීමට ප්‍රමාදවීම හේතුවෙන් දින අටක් තිස්සේ ඒවා ජාත්‍යන්තර මුහුදේ නවතා ඇති බව ඉන්ධන වරාය විදුලිය සමගි වෘත්තිය සමිති සන්ධානය සඳහන් කරයි.

එහි මාධ්‍ය ප්‍රකාශක ආනන්ද පාලිත මහතා සඳහන් කරන්නේ මෙම දින 8ක කාලයට අමතරව මෙම නැව් ගොඩබාන දින දක්වා විශාල ඩොලර් ප්‍රමාණයක් පමාද ගාස්තු වශයෙන් ගෙවීමට සිදුවනු ඇති බවයි.

ජාතික ක්‍රීඩා සභාවේ හිටපු නිලධාරී මණ්ඩලය කැඳවමින් නව ක්‍රීඩා ඇමැති තේනුක විදානගමගේ මහතා ගේ ප්‍රධානත්වයෙන් ඊයේ (22 වෙනිදා) පැවැති සාකච්ඡාව සඳහා ජාතික ක්‍රීඩා සභාවේ හිටපු සභාපති මහේල ජයවර්ධන මහතා සහ එම සභාවේ හිටපු සාමාජික කුමාර් සංගක්කාර මහතා සහභාගි වී නොමැත.

ක්‍රීඩා අමාත්‍යාංශයේ දී ඊයේ පෙරවරු 10.30ට පමණ පවත්වන ලද එම සාකච්ඡාව සඳහා සූම් තාක්ෂණය ඔස්සේ සහභාගි වන ලෙස ජාතික ක්‍රීඩා සභාවේ හිටපු සභාපති මහේල ජයවර්ධන සහ කුමාර් සංගක්කාර යන මහත්වරුන්ට ආරාධනා කර තිබුණි.

ගෑස් සිලින්ඩර දෙසීයක පමණ ප්‍රමාණයක් ප‍්‍රදේශයේ රාජ්‍ය ඇමතිවරයෙකු විසින් ගෙන ගොස් ඇතැයි චෝදනා කරමින් ගෑස් පෝලිමේ සිටි ජනතාව ඊයේ දිනයේ විරෝධතාවක නිරත වූහ.

ශ්‍රී ලංකා කණ්ඩායමේ තවත් ක්‍රීඩකයෙකුට කොවිඩ් වෛරසය ආසාදනය වී ඇති බව ඕස්ට්‍රේලියාවෙන් ලැබෙන ආරංචි මාර්ග සඳහන් කර සිටිනවා.

මෙලෙස කොවිඩ් වෛරසය ආසාදනය වී ඇත්තේ වනිදු හසරංගටයි.

බොරැල්ල සියලු සාන්තුවරයන්ගේ දේවස්ථානයේ බෝම්බ සිද්ධිය සම්බන්ධ පරීක්‍ෂණවලදී ආණ්ඩුව හා පොලීසිය එක්ව නාටකයක් රඟ දක්වන බව පෙනෙන්නේ යැයි මැල්කම් කාදිනල් රංජිත් කොළඹ අගරදගුරුතුමෝ පැවසූහ.

එම සිද්ධියේ සත්‍යය හෙළි කරගන්නා තුරු සටන් කරන බව කී කාදිනල්තුමෝ පොලීසිය අත්අඩංගුවට ගෙන සිටින ‘මුනි’ නැමති සැකකරු ඇතුළු පිරිසට සාධාරණය ඉටුකරදීම වෙනුවෙන් පෙනී සිටින බවත්, ඒ සම්බන්ධව නීතීඥයන් සමඟ සාකච්ඡා කරමින් සිටින බවත් සඳහන් කළහ.

කාදිනල්තුමන් මේ බව පැවසුවේ විදෙස්ගත ශ්‍රී ලාංකිකයන් සමඟ සූම් තාක්‍ෂණය ඔස්සේ පැවති සම්මන්ත්‍රණයක දීය.

සකුරායි ගුවන් සමාගමේ සියලු ගුවන් සේවා කටයුතු වහාම ක්‍රියාත්මක වන පරිදි අත්හිටුවීමට පියවර ගෙන තිබේ.

සකුරායි  සමාගමට අයත් ගුවන් යානයක් කටාන පොලිස් වසමේ කිඹුලපිටිය ප්‍රදේශයේ වෙළකට හදිසි ගොඩබැමක් සිදුකර ඇති බව ශ්‍රී ලංකා ගුවන් හමුදා ආරංචි මාර්ග පවසනවා.

අලුතින් මත්පැන් නිෂ්පාදන බලපත්‍ර තුනක් මහා පරිමාණ ව්‍යාපාරිකයන් තිදෙනකුට ලබාදීමට මුදල් අමාත්‍යාංශය කටයුතු යොදා ඇතැයි අමාත්‍යංශ ආරංචි මාර්ග කියයි.

එය අවශ්‍ය ලියකියවිලි මේවන විට සකස් කර ඇති අතර එම බලපත්‍ර මේ මස 31 වැනිදිනට පෙර නිකුත් කිරීමට නියමිත බවද මුදල් අමාත්‍යංශ ආරංචි මාර්ග සඳහන් කරයි.

අද (දෙසැ. 22) සවස 6.00 සිට රාත්‍රී 9.30 දක්වා අතර කාලය තුළ දිවයිනේ ඇතැම් ප්‍රදේශවල විදුලිය බිඳ වැටීම් සිදුවිය හැකි බව විදුලිබල අමාත්‍යංශය පවසයි.

නොරොච්චෝල විදුලි බලාගාරයේ ජනන යන්ත්‍රයක ඇති වී තිබෙන දෝෂයක් හේතුවෙන් දිනකට විනාඩි 45ක පමණ කාලයක් විදුලි කප්පාදුවක් සිදු කරමින් තිබේ.

විදුලි බල අමාත්‍යංශය සඳහන් කරන්නේ මෙම අලුත්වැඩියාව සිදු කර යන්ත්‍ර යථා තත්ත්වයට පත් කරන තුරු දින කිහිපයක් මෙම විදුලි කප්පාදුව සිදු වනු ඇති බවයි.

සවස හයත් පස්වරු රාත්‍රී 9.30 අතර කාලයේදී මෙම විදුලි කප්පාදුව අවශ්‍යතාවය මත සිදුකිරීමට නියමිතය.

ඉන්දීය රජය විසින් ශ්‍රී ලංකාවට ඩොලර් බිලියන එක හමාරක ණය පහසුකමක් ලබාදීමට එකඟතාව පළකර තිබේ.

පිරිපහදු කළ ඉන්ධන, ඖෂධ අත්‍යවශ්‍ය ආහාර මිලදී ගැනීම සඳහා මෙම ණය පහසුකම් හිමි වන බව මුදල් අමාත්‍යාංශය සඳහන් කරයි.

දඹුල්ල පොලිස් වසමේ කලෝගඟඇළ ප්‍රදේශයේ පාළු නිවසක් තුළ වයස අවුරුදු 14ක බාල වයස්කාර දැරියක ඝාතනය කිරීමේ සිද්ධියකට සැක කරන පුද්ගලයෙකු අත්අඩංගුවට ගැනීම සඳහා දඹුල්ල පොලිසිය මහජන සහය පතයි.

සෙලින්කෝ සමාගම් සමූහය යටතේ පැවති දේපළ සංවර්ධන සහ දේපළ වෙළඳාම් ව්‍යාපාරික කටයුතු වල නිරත වන ප්‍රධාන පෙළේ සමාගම් ද්විත්වයක් වන F & G Real Estate Co. Ltd සහ F & G Property Developers (pvt) Ltd යන සමාගම් ද්විත්වයේ මුදල් තැන්පතුකරුවන්ට වසර 13කට පමණ පසුව යම් හෝ සාධාරණයක් ඉටුවීමට නියමිතව තිබියදී එම ක්‍රියාවලිය සම්බන්ධයෙන් විවිධ පාර්ශවයන් වෙතින් එල්ල වන බලපෑම් හමුවේ මේ සඳහා සාධාරණයක් ඉටුවීම දිනෙන් දින කල් යාම සම්බන්ධයෙන් එහි තැන්පහුකරුවන් විසින් විශේෂ මාධ්‍ය නිවේදනයක් නිකුත් කර තිබේ.

එම සංගමයේ සභාපතිවරයා නිකුත් කල මාධ්‍ය නිවේදනය පහතින් දැක්වේ.

වසර ගණනාවක් තිස්සේ ස්විස් බැංකුවෙහි පැවති රහස්‍යභාවය ස්විස් රජය මගින් අහෝසිකර ඇත.

මෙරට වෙලදපල තුල ගෑස් මිල නැවත වතාවක් කෙටි කාලයකින් ඉහළ දැමීමට සිදුවන බව ලිට්‍රෝ ගෑස් සමාගම සඳහන් කරයි.

එම සමාගමේ සභාපති තෙෂාර ජයසිංහ මහතා පෙන්වා දෙන්නේ එසේ මිල ඉහළ නොදැම්මොත් ගෝලීය වෙළෙඳපොළ තුළ ස්ථාවර පැවතීමට අසීරු බවයි.

ඉදිරියේදී ගෑස් මිල අඩු කරන්නේ යයි ජනතාවට බොරු පොරොන්දු දීමට අවශ්‍ය නැති බවද පවසන ඔහු ගෑස්මිල ස්ථිර මිලක් යටතට ගෙන ඒමට තමන් අවශ්‍ය කටයුතු කරන බවද පැවසීය.

කිලෝ ග්‍රෑම් 12.5 ලිත්‍රො ගෘහස්ත ගෑස් සිලිනඩරයක මිල අද මධ්‍යම රාත්‍රියේ සිට රුපියල් 1257 කින් ඉහළ දැමීමට තීරණය කර තිබේ.

ඒ අනුව එම ප‍්‍රමාණයේ ගෑස් සිලින්ඩරයක නව මිල රුපියල් 2750 දක්වා ඉහල යයි.

කිලෝ ග‍්‍රෑම් 5 ලිත්‍රො ගැස් සිලින්ඩරයක් රුපියල් 503කින් ඉහල දමා ඇති අතර එහි නව මිල රුපියල් 1101කි.

අසහාය නළු විජය කුමාරතුංග මහතාගේ උපන්දිනය වෙනුවෙන් පුත් විමුක්ති කුමාරතුංග මහතා සිය ෆේස්බුක් පිටුවේ සටහනක් තබා ඇත.

සුවසැරිය හදිසි ගිලන් රථ සේවයට ගතවූ පස් වසර තුළ ඇමතුම් හතළිස් හතර ලක්‍ෂ හතළිස් දහස් දෙසීය අනූවක් (4,444,290) ලැබී ඇතැයි එම සුවසැරිය පදනමේ ප‍්‍රධාන විධායක නිලධාරි ෂොහාන් ද සිල්වා මහතා පැවැසීය.

එමෙන්ම මෙම ගතවූ කාලය තුළ හදිසි අවශ්‍යතා සඳහා සුවසැරිය ගිලන් රථ සේවය අවස්ථා නව ලක්‍ෂ හැටපන්දහස් එකසිය තිස් පහකදී (965,135) පමණ මහජනතාව වෙනුවෙන් පිහිට වී ඇතැයි ද හෙතෙම කියා සිටියේය.

මේ දිනවල ඉන්දීය සංචාරයක නිරත වන යොවුන් ගායිකා යොහානි ද සිල්වා සුළු අනතුරකට මුහුණ දී තිබේ.

මාස කිහිපයක් තිස්සේ වරායේ ගුදම් වල ගබඩා කර තිබෙන ආනයනික කිරිපිටි නිදහස් කරගැනීමට ඩොලර් නිකුත් කිරීම තවදුරටත් ප්‍රමාද වන්නේ නම් ඒවා ප්‍රති අපනයනය කිරීමට කටයුතු කරන බව එම ආනයනකරුවන් කියා සිටිති.