එක්සත් ජාතික පක්ෂ නායක රනිල් වික්‍රමසිංහ මහතා සහ විපක්ෂ නායක සජිත් ප්‍රේමදාස මහතා අතර රහස් සාකච්ඡාවක් පෙරෙයිදා (12) රාත්‍රියේ පවත්වා තිඛේ.

මෙම හමුවට එක්සත් ජාතික පක්ෂයේ හිටපු සභාපති පාර්ලිමේන්තු මන්ත්‍රී කබීර් හෂීම් මහතා ද එක්ව ඇති බව සඳහන්.

එක්සත් ජාතික පක්ෂ නායක රනිල් වික්‍රමසිංහ මහතා ඊයේ (27) සවස පක්ෂ සභාපති කබීර් හෂීම් මහතා අතේ විපක්ෂ නායක සජිත් ‌ප්‍රේමදාස මහතා ‌වෙත විශේෂ පණිවුඩයක් යවා තිබේ.

අද සවස වික්‍රමසිංහ මහතාගේ ආරාධනාවකට අනුව ඒ මහතා මුණගැසුණු කබීර් හෂීම් මහතා සමග පක්ෂයේ දැනට මතුව ඇති අර්බුදය පිළිබදව සාකච්ජා කිරීමට වික්‍රමසිංහ මහතා කටයුතු කොට ඇත.

මෙම වසරේ පැවැත්වෙන ඇමෙරිකානු ජනාධිපතිවරණයට ඉදිරිපත් වී සිටින ඩොනල්ඞ් ට්‍රම්ප්ගේ මැතිවරණ ප්‍රකාශනයේ තීරණාත්මක තුරුම්පුවක් ලෙස යොදා ගැනීම සඳහා මෙරට මහා මැතිවරණයෙන් පසුව ස්ථිර වශයෙන් ම ‘සෝෆා’ ගිවිසුම අත්සන් කරන බව තහවුරු වී තිබෙනවා.

පසුගිය සතියේ මෙරට නිල සංචාරයක යෙදුණු ඇමෙරිකානු රාජ්‍ය දෙපාර්තමේන්තුවේ දකුණු හා මධ්‍යම ආසියානු කලාපය භාර සහකාර රාජ්‍ය ලේකම් ඇලිස් ජී. වෙල්ස් කටුනායක ගුවන්තොටුපළින් නික්මීමට ආසන්නයේ තෝරා ගත් මාධ්‍යවේදීන් හමුවේ ‘සෝෆා’ ගිවිසුම අත්සන් කිරීම ස්ථිර බව ප්‍රකාශ කර ඇති බවයි වාර්තා වන්නේ.

මාවනැල්ල ප්‍රදේශයේ බුදුපිළිම කැඩීමට සම්බන්ධ අන්තවාදීන් ඔවුනගේ පියාගේ මාර්ගයෙන් පොලිසියට භාර දෙන බව බස්නාහිර පළාතේ හිටපු ආණ්ඩුකාර අසාද් සාලි මහතා තමාට පොරොන්දු වූ බව අනිවාර්ය නිවාඩු යවා සිටින පොලිස්පති පූජිත් ජයසුන්දර මහතා පාස්කු ප්‍රහාරය සම්බන්ධයෙන් විමර්ශනය කෙරෙන ජනාධිපති විමර්ශන කොමිසම හමුවේ සාක්ෂි ලබාදෙමින් සඳහන් කළා.

එසේම පරීක්ෂණ කටයුතුවලදී දේශපාලඥයන්ගෙන් පොලිසියට බලපෑම් එල්ල වන බවද පූජිත් ජයසුන්දර මහතා කොමිසම හමුවේ ප්‍රකාශ කර සිටියා.

ඔහු මෙම කොමිසම හමුවේ සාක්ෂි ලබාදුන් පළමු අවස්ථාව මෙයයි.

රජයේ අධි නීතිඥවරිය මෙහිදී පූජිත් ජයසුන්දර මහතාගෙන් ප්‍රශ්න කරමින් විමසා සිටියේ බුදු පිළිම කැඩූ දිනයේදී පරීක්ෂණ කටයුතු සිදුකිරීම සඳහා අපරාධ පරීක්ෂණ දෙපාර්තමේන්තුවට වාචිකව උපදෙස් දුන්නේද යන්නයි.

පාස්කු ඉරුදින ප්‍රහාරය සිදු වන තෙක්ම මාවනැල්ලේ බුදු පිළිමවලට හානි කිරීම සම්බන්ධයෙන් කිසිදු සැකකරුවෙකු අත්අඩංගුවට ගැනීමට අපරාධ පරික්ෂණ දෙපාර්තමේන්තුව අසමත් වූ බව එවකට මාවනැල්ල සහකාර පොලිස් අධීකාරීවරයාව සිටි ගාමිණී තෙන්නකෝන් මහතා අනාවරණ කරනු ලැබුවා.

ඒ පාස්කු ප්‍රහාරය සම්බන්ධයෙන් විමර්ශනය කෙරෙන ජනාධිපති කොමිසම හමුවේ ප්‍රකාශ ලබා දෙමින්.

තෙල්දෙණිය සහකාර පොලිස් අධිකාරීවරයා ලෙස මේ වන විට සේවයේ නිරත ඔහු කොමිසම හමුවේ පැවසුවේ මාවනැල්ලේ බුදුපිළිමවලට හානි කිරීමේ පළමු සිද්ධිය 2018 දෙසැම්බර් 23 වැනිදාත් දෙවැනි සිදුවීම දෙසැම්බර් 26 වැනිදාත් වාර්තාවූ බවයි.

සීඩී පට පහ තමන් ඉදිරියේදී මහලේකම්වරයාට භාර දුන්නා

ලදුපතක් නිකුත් කළා

ඒවා භාරදීමට අවශ්‍ය නැතැයි නීති උපදෙස් ලැබීලා

සභාගත කිරීම සඳහා පාර්ලිමේන්තුවේ මහ ලේකම්වරයාට පෙරේදා (22 වැනිදා) භාර දුන් දුරකථන සංවාද පහළොස් දහසක් අඩංගු සීඩී පට පහ නිසි පරිදි ක්‍රියාත්මක නොවන බව පවසමින් රන්ජන් රාමනායක මන්ත්‍රීවරයා විසින් යළි රැගෙන ගොස් ඇතැයි ආචාර්ය හර්ෂද සිල්වා මහතා පාර්ලිමේන්තුවේදී ප්‍රකාශ කළා.

පාර්ලිමේන්තු මන්ත්‍රී රන්ජන් රාමනායක මහතා දුරකථන සංවාදවලට අදාළ ආන්දෝලනාත්මක හඬපට කිසිවක් මේ දක්වා පාර්ලිමේන්තුවට භාර දී නොමැති බවට කතානායකවරයාගේ නිවේදනයකින් අද පාර්ලිමේන්තුවේදී හෙළි වුණා.

යාපනය 662 වැනි බළසේනා මූලස්ථානයේ වෛද්‍ය අංශයේ රාජකාරි කරන ලාන්ස් කෝප්‍රල් දිලිප් කුමාර නැමැත්තා හපුහෙට්ටිගේ ‍ කාංචනා නමැති වෛද්‍ය සිසුවියගේ ගෙල හා අත කපා ඝාතනය කොට මුහුදට තල්ලුකර ඇති බව පරීක්ෂණවලදී අනාවරණය වී තිබෙනවා.

ඇසින් දුටුවන් මේ සම්බන්ධයෙන් සාක්ෂි ලබාදෙමින් මේ බව සඳහන් කර තිබුණා.

අදාළ සිසුවිය සැකකරු හමුවීමට යාපනය කොටුවට පැමිණ ඇති බවටත්, එහිදී දෙදෙනා අතර වූ බහින්බස් වීමක් දුරදිග යෑමෙන් පසු සැකකරු තම අතෙහි තිබූ තියුණු ආයුධයකින් වෛද්‍ය සිසුවියගේ ගෙල හා අත කපා ඝාතනය කොට මුහුදට තල්ලුකර පලා යෑමට උත්සාහ කිරීමේදී ප්‍රදේශවාසීන් ඝාතකයා පසුපස ලුහුබැඳ ගොස් අල්ලා පොලිසියට භාරදුන් බවත් පොලිසිය පවසනවා.

තමන්ට වයස 80ත් පසුකර ඇති නිසා මාදිවෙල මන්ත්‍රී නිවාසවල පඩිපෙළ නැගීමට නොහැකි බව හිටපු විපක්ෂනායක සහ දෙමළ ජාතික සන්ධානයේ නායක ආර්.සම්පන්දන් මහතාඊයේ (22) පාර්ලිමේන්තුවට දැනුම් දුන්නා.

ඔහු ඉල්ලා සිටියේ එනිසා තමන්ට ලබා දුන් නිවස යළි පවරා නොගන්නා ලෙසයි.

ඉදිරි පාර්ලිමේන්තු මැතිවරණයේදී ශ්‍රී ලංකා පොදුජන පෙරමුණෙන් තරඟ වැදීමට සූදානම් වන වියත්මග සංවිධානයේ සාමාජිකයන්ට එම පක්ෂයේ ඇතැම් සංවිධායකයන් විසින් බාධා සිදුකරන බව මහාචාර්ය චන්න ජයසුමන මහතා සඳහන් කරයි.

වියත්මග සංවිධාන යනු ගෝඨාභය රාජපක්ෂ මහතාගේ ප්‍රතිපත්ති ඉදිරියට ගෙන යාම සඳහා එම ප්‍රතිපත්ති රටක පැහැදිලි කිරීමට සඳහා වියතුන් එක්ව පිහිට වූ සංවිධානයක් බව ද ජයසුමන මහතා සඳහන් කළේය.

අධිකරණය මගින් දින දෙකක් ඇප දෙන ලෙස අද (22) රන්ජන් රාමනායක මහතා පාර්ලිමේන්තුවෙන් ඉල්ලා සිටියා.

ඔහු සඳහන් කළේ එවිට සියලු හඬ පට පාර්ලිමේන්තුවට ඉදිරිපත් කළ හැකි බවයි.

බහුකාර්ය සංවර්ධන කාර්ය සාධක බළකා දෙපාර්තමේන්තුව සඳහා පුහුණු තනතුරු සඳහා බඳවා ගැනීම් මේ වන විට ආරම්භ කර තිබෙනවා.

ඒ සඳහා වූ අයදුම්පත් අදාළ ග්‍රාම නිලධාරී කාර්යාලවලින් ලබා ගැනීමේ අවස්ථාව හිමිවනවා.

රක්ෂිත බන්ධනාගාර ගතකර සිටින එක්සත් ජාතික පක්ෂ පාර්ලිමේන්තු මන්ත්‍රී රන්ජන් රාමනායක අද දිනයේ පාර්ලිමේන්තු රැස්වීමට සහභාගි වීමට නියමිතය.

පාර්ලිමේන්තු මන්ත්‍රීවරයෙකුට හිමි වරප්‍රසාද යටතේ ඔහු මෙසේ අද දින පාර්ලිමේන්තු රැුස්වීමට සහභාගී වන්නේ බන්ධනාගාර නිලධාරීන්ගේ ආරක්ෂාව යටතේය.

කිසියම් චුදිතයෙකුට මරණ දඩුවම බලපෑම් කර ඇත්නම් එම බලපෑම් කළ සිදුකළ පුද්ගලයා මෙන්ම මරණ දඬුවම දුන් විනිසුරුටද මරණ දඬුවම දිය යුතු බව අගමැති මහින්ද රාජපක්ෂ මහතා සඳහන් කරයි.

තමන් සහ පාර්ලිමේන්තු මන්ත්‍රී රන්ජන් රාමනායක අතර සිදුවූ දුරකථන සාකච්ඡා කිසිවකු විසින් සංස්කරණය කර ඇති බව පාර්ලිමේන්තු මන්ත්‍රිනී හිරුණිකා ප්‍රේමචන්ද්‍ර මහත්මිය සඳහන් කරයි.

අපරාධ පරීක්ෂණය කොට්ඨාශයට පැමිණ ඒ ගැන පැමිණිලි කිරීමෙන් පසු ආපසු යන ගමනේදී මාධ්‍ය වෙත අදහස් පලකරමින් ඇය මේ බව කියා සිටියාය.

කරු ජයසුරිය මහතා සජිත් ප්‍රේමදාස මහතාගෙන් විශේෂ ඉල්ලීමක් කර තිබෙනවා.

ඒ, රනිල්වද පක්ෂයෙන් ඉවත් නොකොට ඔහුත් සමඟම පක්ෂයේ ඉදිරි ගමන යා යුතු යැයි කියායි.

ආණ්ඩුව අභ්‍යන්තරයේ ප්‍රබල ගැටුමක් පවතින බව ආණ්ඩුවේ මැති ඇමතිවරුන් එජාප මන්ත්‍රී එජාප මන්ත‍්‍රීන් සමග පවසන බව එක්සත් ජාතික පක්ෂ පාර්ලිමේන්තු මන්ත්‍රී හේෂා විතානගේ මහතා සඳහන් කරයි.

ඉදිරි පාර්ලිමේන්තු මැතිවරණයෙන් පසු ගෝඨාභය රාජපක්ෂ මහතාට අවශ්‍ය ආකාරයට ආණ්ඩුවක් හදා ගැනීමට අවස්ථාව දිය යුතු බව ජනතා විමුක්ති පෙරමුණේ පාර්ලිමේන්තු මන්ත්‍රී නලින්ද ජයතිස්ස මහතා සඳහන් කරයි.

එක්සත් ජාතික පක්ෂ අභ්‍යන්තරයේ පැනනැඟී ඇති නායකත්ව අර්බුදය විසඳා ගැනීම සඳහා අවසන් වරට ඉකුත් 09 වැනි බ්‍රහස්පතින්දා සිරිකොත පක්ෂ මූලස්ථානයේ පැවැති එජාප මන්ත්‍රි කණ්ඩායම් රැස්වීම මෑත කාලයේ පැවැති ඉතාමත් අශීලාචාර, අශෝභන සහ ආන්දෝලනාත්මකම මන්ත්‍රි කණ්ඩායම් රැස්වීම ලෙස මේ වනවිට ඉතිහාසයට එක්වී හමාරය.

ප්‍රජාතන්ත්‍රවාදී ජාතික පෙරමුණේ නායකත්වය භාරගෙන මහ මැතිවරණය මෙහෙයවන ලෙස එක්සත් ජාතික පක්ෂ නායක රනිල් වික්‍රමසිංහ මහතා කථානායක කරු ජයසූරිය මහතාට මෙම සතියේදී ආරාධනා කිරීමට සූදානම් වන බවට එජාප අභ්‍යන්තර ආරංචිමාර්ග වල පැවසේ.