එක්සත් ජාතික පක්ෂයේ පාර්ලිමේන්තු මන්ත්රී කණ්ඩායම සහ කෘත්යාධිකාරි මණ්ඩලය කැදවා දින 07ක් ඇතුලත ජනාධිපති අපේක්ෂකයා තෝරන්නැයි 77ක් වන මන්ත්රී කණ්ඩායමෙන් 54 දෙනෙකු අත්සන් තබා ලේඛනයක් භාරදුන් බව කැබිනට් ඇමති අජිත් පී පෙරේරා මහතා සඳහන් කරයි.
එසේ තිබියදී දැනට දින දහයක් ගියද ඒ ගැන කිසිදු තීරණයක් නැති බවත් ජනාධිපති අපේක්ෂකයා තෝරන්නෙ ජනාධිපතිවරණය කැඳවූ පසු බවටත් ප්රකාශ කරන බව ඔහු සඳහන් කළේය.
පක්ෂ නායකයන් ජනතාවට සවන් දෙන්නේ නැති බවත් එය කණගාටුදායක සත්ය තත්ත්වය බවත් ඇමැතිවරයා පැවසීය.
එළැඹෙන 05 වැනිදා කවුරුන් විරුද්ධවද කුරුණෑගල සජිත් වෙනුවෙන් ජනතා රැලියක් පවත්වන බවත් ජනතා බලයට බය අය එම රැලිය කඩාකප්පල් කිරීම සූදානම් වන බවත් ඔහු සඳහන් කළේය.