රොෂාන්ගෙයි රිද්මාගෙයි පෙම් රැඟුම් පුංචි තිරයෙන් දකින්න රසික පිරිස ආශාවෙන් බලාගෙන ඉන්නවා.

ඉන්ද්‍රචාපා ටෙලි නාට්‍යය ළඟදීම විකාශය වේවි. එතකොට ප්‍රේක්ෂක බලා‍පොරොත්තුව ඉටුවේවි.

ගිහාන් රෝහන තමයි මේ ටෙලි නාට්‍ය අධ්‍යක්ෂණය කළේ. තාරකා වාසලමුදලි තමයි පිටපත රචනා කළේ. හරිම සුන්දර කතාවක්. මේ කතාවේ හැටියට මම පෙම්වතියන් දෙදෙනකුට මැදිවූ පෙම්වතෙක්. තාරකා වන්නිආරච්චි හා මගේ බිරිඳ රිද්මා තමයි මේ ටෙලි නාට්‍යයේ මගේ පෙම්වතියෝ දෙන්නා.

දැන් මම ඒ ප්‍රශ්නයට උත්තර දුන්නොත් ප්‍රේක්ෂක කුතුහලය නැතිවෙනවනේ. ඒ හින්දා ටෙලි නාට්‍ය බලලාම ඒ ගැන කතාකරමු. 

රොෂාන් එක්ක කතාකරන අතර අපි රිද්මාවත් කතාබහට එකතු කරගත්තා

නිර්මාණ කිහිපයකම වැඩකරනවා. ඒත් ගොඩාක් කාර්යබහුල නැහැ. මොකද ලැබෙන හැම නිර්මාණයක්ම භාරගන්නේ නැහැ.

අපේ ගෙදර අත්උදව්වට මෙහෙකරුවෝ නැහැ. ඒ හින්දා රොෂාන්ට දුර පළාත්වල ෂූටින් වැටුණම මාව තනියම ගෙදර දාලා යන්නේ නැහැ. මාවත් එක් කරගෙන යනවා. ඒ හින්දා තමයි ගොඩාක් වෙලාවට අපි ගෙදරින් පිට ඉන්නේ.

ගේදොර ලස්සනට තියාගන්න මම හරිම ආසයි. මල් වවලා වත්ත ලස්සනට තියාගන්නත් ආසයි. ඒ කටයුතුයි, උයන පිහන කටයුතුයි කරන්න ගියාම දවසම ගෙවිලා යනවා තේරෙන්නේ නැහැ.

යාන්තම් බත් උයන හැටි නම් ඉගැන්නුවා. තවම මාළුපිනි උයන හැටිනම් උගන්වන්න බැරි වුණා.

කතාබහ අතරට ආයෙම රොෂාන් එකතුවෙලා මෙහෙම කිව්වා

රිද්මට රසට උයන්න පුළුවන්. කිරිකොස් මාළු, කොහිල දලු, ‍පොළොස් ඇඹුල් වගේ ගමේ කෑම තමයි එයා වැඩිපුර හදන්නේ.

අපි දෙන්නාගේම පවුල්වල අයත් ඔය ගැන අහනවා. මේ වැඩ රාජකාරි එක්ක අපි ටිකක් කාර්ය බහුලයි. ඒ කාර්ය බහුලකමින් ටිකක් මිදුනම ඔය ගැන හිතනවා.

ආරියවංශ කුලතිලක