BREAKING NEWS
latest

728x90

468x60

header-ad -->

ත්‍රස්ථ ක්‍රියා සඳහා සම්බන්ධ බවට අත්අඩංගුවට ගත් කෝට්ටේ එජාප මන්ත්‍රී නැවත කැදවීමට නියෝග

තව්හිද් ජමාත් සංවිධානයට සම්බන්ධ බවට සැකපිට අත්අඩංගුවට ගෙන වැලිකඩ පොලීසිය භාරයේ සිටි ශ්‍රී ජයවර්ධනපුර කෝට්ටේමහ නගර සභාවේ එක්සත් ජාතික පක්ෂ මන්ත්‍රී හාජා මොහිදීන් අල් උස්මාන් මහතා ඇතුළු සැකකරුවන් සිව් දෙනෙකු නිරීක්ෂණය සඳහා ජූලි මස 3 වැනිදා අධිකරණය හමුවට ඉදිරිපත් කරන ලෙස කොළඹ මහේස්ත්‍රාත් අධිකරණය අද(29) නියම කළේය.

සැකකරුවන් අද කොළඹ අතිරේක මහේස්ත්‍රාත් කාංචනා සිල්වා මහත්මිය හමුවට ඉදිරිපත් කර තිබූ අතර එහිදී පොලීසිය කරුණු දක්වමින් කියා සිටියේ ආරක්ෂක අමාත්‍යාංශයෙන් ලබාගත් රැඳවුම් නියෝගයට අනුව මෙම සැකකරුවන් පිරිස පොලිසිය භාරයේ රඳවාගෙන තවදුරටත් පරීක්ෂණ සිදුකරන බවයි.

පොලීසිය විසින් ඉදිරිපත් කරන ලද කරුණු සළකා බැලූ අධිකරණය සැකකරුවන් ලබන ජූලි මස 3 වැනිදා නැවත අධිකරණයට ඉදිරිපත් කරන ලෙස නියෝග කළේය.

එක්සත් ජාතික පක්ෂ මන්ත්‍රීවරයා ඇතුළු සැකකරුවන් සිව්දෙනා අත්අඩංගුවට ගන්නා ලද අවස්ථාවේ තව්හිද් ජමාත් සංවිධානයට සම්බන්ධ ක්‍රියාකරකම් ඇතුළත් සී.ඩී. පට, ප්‍රචාරක ද්‍රව්‍ය සහ තහනම් කඩු ඇතුළු තිවුණු ආයුද සොයාගත් බව පොලීසිය පවසයි.
« PREV
NEXT »

Facebook Comments APPID