Latest Gossip News

Advertisements

Video Gossip

Advertisement

Follow by Email

අප්‍රේල් 21 පාස්කු ඉරිදා ප්‍රහාරයෙන් සති 3 ක් ගතවූ පසු මේ වනවිට ශ්‍රී ලංකාවේ නම යළිත් විදෙස් මාධ්‍ය තුළද අයහපත් ලෙස කථාබහට ලක්වන තැනට වැඩ සිදුවෙමින් පවතී. ඒ මුස්ලිම් විරෝධී ප්‍රතිප්‍රහාරදීම් සම්බන්ධයෙනි.

මෙහි නොගැළපෙන ලක්ෂණය වන්නේ අයි එස් උවමනාවකට කතෝලික පල්ලි හා විදේශිකයින් ඉලක්කකර ඔවුනගේ නියෝජිත ජාතික තවුහිත් ජමාත් ඇතුළු කල්ලි ඔස්සේ 21 වනදා ප්‍රහාරය ජාත්‍යන්තර පලිගැනීමක් අරමුණු කරගෙන සිදුවුවත් මේ වනවිට ලංකාවේ ප්‍රතිප්‍රහාර සිදුවන්නේ සිංහල බෞද්ධයින් සාමාන්‍ය මුස්ලිම් ජනතාව ඉලක්ක කරගෙන විමයි.

එහි සටන් පාඨ වී ඇත්තේ පෙර සිදුවීමට අදාළ නැති මුස්ලිම් කඩ වර්ජනය කිරීම, මුස්ලිම් අධ්‍යාපන ආයතන වසා දැමිම ආදියයි. ලංකාවේ වාසය කරන ලක්ෂ 20 ක් (මිලියන 2) වූ මුස්ලිම් ජනතාව අතුගා දැමිය යුතුය යන්න මෙම විරෝධතාකරුවන්ගේ දුෂ්කර අරමුණයි.

විශේෂයෙන්ම මීට කලකට ඉහත නීතිය මගින්ද මුලිනුපුටා දැමීමට වෙර දැරූ සිංහල බෞද්ධ අන්තවාදය පෙර කී නොගැළපෙන අරමුණ ඉටුකරගැනීමට යළි කලඑළි බැස ඇති සෙයක්ද දක්නට ලැබේ.

මෙම ගැටුම් කවරක් සඳහාද යන්න විමසීමේදී එහි දේශපාලන අරමුණු ඇති බව දැනටමත් බුද්ධි අංශ වාර්තාවලට ඒත්තු ගොස් ඇති බව ඊයේ (13) පළවූ ලිපියකින් ඒඑෆ්පී පුවත් සේවය අනාවරණය කර ඇති අතර සංවිධානාත්මක ලෙස දිවයිනේ ස්ථාන කිහිපයක ගැටුම් අවුළුවා රටේ අස්ථාවරත්වය ඉදිරි මැතිවරණයක් දක්වා කඩින් කඩ පවත්වා යාමත් මැතිවරණයේදී මෙම තත්වය වෙනස් කළ හැක්කේ අහවලාට පමණි යන විකල්පය ඒ අනුව ප්‍රබල ලෙස මතුකර ගැනීමත් අවශ්‍යවී ඇති බව පුවත් වාර්තාවේ වැඩිදුර සඳහන් වේ.

මේ වනවිට දිවයිනේ විවිධ දෙසින් වාර්තාවන කලකෝලාහල සහ එනිසා සිදුව ඇති මරණ ගැන මේවනවිට තොරතුරු ලැබෙමින් පැවතුණත් පොලිස් මාධ්‍ය වාර්තා මගින් තහවුරු කරන තුරු සියලුම දේශීය මාධ්‍ය ඒ ගැන හෙළි නොකර සිටින්නේ තවදුරටත් මෙම ජාතිවාදය වැපිරීමට අවශ්‍ය නොවන නිසාය.

විශේෂයෙන්ම වයඹ පළාතේ ස්ථාන ගණනාවක ඇතිවූ කලබල හා පොලිසි ඉදිරිපිට දැක්වූ විරෝධතා බොහොමයක් ආවේගාත්මක මානසිකත්වයෙන්

හැසිරුණ තරුණ පිරිස් විසින් මෙහෙයවා තිබූ අතර පොලිසියට හෝ රජයකට විසඳුම් ලබාදීමට හැකියාවක් නැති 'ජාතියක් අතුගා දැමිය යුතුය ' වැනි ඉල්ලීම් ඔවුන් සිදු කර තිබෙන බව වාර්තාවේ.

මෙම ආවේගාත්මක මානසිකත්වය පාස්කු ප්‍රහාරය නිසා හදිසියේ පැනනැගුණක් නොවන අතර දේශපාලන උවමනාවන්ට විවිධ කල්ලි අටවා මීට වසර කිහිපයක සිට පෝෂණය කරන ලද මුස්ලිම් විරෝධී මානසිකත්වය අවස්ථාවාදී ලෙස නැවත මතුකිරීමක් ලෙස හඳුනාගන්නට ලැබේ. මේ සඳහා පසුබිමින් කටයුතු කරන ලද සමාජ මාධ්‍ය බලවේග ගැනද බුද්ධි අංශ මේ වනවිට තොරතුරු අනාවරණය කරගෙන තිබේ.

සිංහල බෞද්ධයන් ඉලක්ක නොවූ අයිඑස් ප්‍රහාරය සිංහල බෞද්ධයින් වෙත ඉක්මණින් ගෙන්වා ගැනීම මෙම ආවේගකාරී තරුණයින්ගේ උවමනාවයි. 

ප්‍රභාකරන් රටේ කොටසක් කඩාගැනීමේ අන්තවාදයකට පසුකාලීනව යොමු වුනේ 1983 කළු ජූලියේදී දෙමළ ජාතිකයින්ගේ කඩවල් ගිනි තබා නිවාස ගිනිතබා එළවා දැමීමට කටයුතු කළ සිංහල ජාතීවාදීන්ගේ අමනෝඥ වැඩවල ප්‍රතිඵල නිසා බව දැන් වයස 40 ට වැඩි වැඩිහිටියන් හොඳින් දන්නා කරුණකි.





<
gossip , gossip lanka , Sri Lanka gossip, Sri Lanka Sinhala gossip _____________________________________________________________________________________
© 2020 Gossip99 Email : info@gossip99.com
Advertising - Contact Here Editor - editor@gossip99.com Contact Here Help Desk : info@gossip99.com
All the content on this website is copyright protected.
_____________________________________________________________________________________

Gossip99.com is a Sri Lankan online Gossip news website with rich content of 24 hours updated Sri Lankan and world news Reporting in English and Sinhala language. The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip and event photos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language.

Advertisements

Mini Gossip

Advertisement

Politics

Advertisements

Corona Virus - Situation Updates

Facebook