දේශීය වශයෙන් ගුණාත්මක බවින් ඉහළ හා තරගකාරී ගෘහ කර්මාන්ත වන වෙසක් කූඩු, සරුංගල් හා හඳුන්කූරු ආනයනය නියාමනය කිරීමට රජය පියවර ගෙන තිබේ.
ඊයේ(05) රාත්රීයේ අති විශේෂ ගැසට් නිවේදනයක් නිකුත් කරමින් මේ බව සඳහන් කර තිබේ.
මේ අතර, සුළු අපනයන භෝග වගාකරුවන් හා සුළු හා මධ්යය පරිමාණ කර්මාන්තකරුවන් ආරක්ෂා කිරීමේ හා දිරිමත් කිරීමේ අරමුණින් මුදල්, ආර්ථික හා ප්රතිපත්ති සංවර්ධන අමාත්යවරයා ලෙස අග්රාමාත්ය මහින්ද රාජපක්ෂ මහතාගේ නියෝග පරිදි ඊයේ මධ්යම රාත්රියේ සිට ක්රියාත්මක වන පරිදි අති විශේෂ ගැසට් නිවේදන දෙකක් මඟින් භාණ්ඩ කිහිපයක ආනයනය සීමා කිරීමට පියවර ගෙන ඇත.
ඒ අනුව ගම්මිරිස්, කරුංකා, සියඹලා, කුරුඳු, සාදික්කා, වසාවාසි, කරඳමුංගු, ඉඟුරු සහ කරාබු නැටි ආනයනය තහනම් කර ඇති අතර මුදල් පනතේ වාණිජ කේන්ද්රස්ථාන නියෝග අනුව නිකුත් කර ඇති එම ගැසට් නිවේදනය මඟින් ඍජු ප්රතිඅපනයන හා සුළු සැකසුම් කිරීමෙන් අනතුරුව ප්රතිඅපනයනය කිරීමේ අරමුණින් සිදු කෙරෙන කුළුබඩු ආනයනය තහනම් වෙයි.
දිස්ත්රික්ක 9ක පමණ කෘෂි නිෂ්පාදන වගා කරන ගොවීන්ට මින් ප්රතිලාභ හිමි වනු ඇති බව මුදල් අමාත්යාංශය සඳහන් කරයි.
තවද කසළ හා කසළ පිරිසැකසුම් මෙන් ම ප්රතිචක්රීකරණයට අදාළ කිසිදු ව්යාවපෘතියක් සඳහා ද අවසර නොලැබෙනු ඇත.
එමඟින් ගුණාත්මක තත්ත්වයෙන් ඉහළ දේශීය අමුද්රව්ය සමඟ තත්ත්වයෙන් පහළ ආනයනික අමුද්රව්ය කලවම් කර ප්රතිඅපනයනය කිරීම වැළකෙනු ඇත.