පසුගිය සතියේ මෙරට නිල සංචාරයක යෙදුණු ඇමෙරිකානු රාජ්ය දෙපාර්තමේන්තුවේ දකුණු හා මධ්යම ආසියානු කලාපය භාර සහකාර රාජ්ය ලේකම් ඇලිස් ජී. වෙල්ස් කටුනායක ගුවන්තොටුපළින් නික්මීමට ආසන්නයේ තෝරා ගත් මාධ්යවේදීන් හමුවේ ‘සෝෆා’ ගිවිසුම අත්සන් කිරීම ස්ථිර බව ප්රකාශ කර ඇති බවයි වාර්තා වන්නේ.
මෙරට ඇමෙරිකානු තානාපති කාර්යාලය විසින් අදාළ මාධ්යවේදීන් සීමිත පිරිසක් තෝරා සහකාර රාජ්ය ලේකම්වරිය සමඟ ගුවන්තොටුපළ කරා රැගෙන ගොස් තිබෙනවා. ඔවුන්ගෙන් සමුගැනීමේ ප්රකාශය කරමින්, මෙරට මැතිවරණයෙන් පසුව ස්ථිර වශයෙන් ම ‘සෝෆා’ ගිවිසුම අත්සන් කරන බව ඇය විසින් තහවුරු කර ඇති අතර ඒ පිළිබඳ ප්රධාන ප්රවෘත්ති මඟින් හෙළි නොකර සිටීමට එම මාධ්යවේදීන් ඉතා පරිස්සමින් ක්රියා කර තිබුණා.
මේ අතර සහකාර රාජ්ය ලේකම්වරිය ජනාධිපති ගෝඨාභය රාජපක්ෂ වෙත ඇමෙරිකානු ජනාධිපති ඩොනල්ඩ් ට්රම්ප්ගේ රහසිගත ලිපියක් භාර දී ඇති බවද ලංකා ඉරිදා සංග්රහය වාර්තා කර තිබුණා.