ඉතින් ඒ ගැන දිල්කා පුවත්පතකට කියල තිබුනෙ මෙන්න මෙහෙම

ඔව්. මම දෙරණට සම්බන්ධවුණේ ප්‍රවෘත්ති නිවේදිකාවක් ලෙස. නමුත් මාව මේ රටේ කතාබහට ලක්වුණේ 360 දේශපාලන වැඩසටහනින්.

'360' මම කැමැත්තෙන් කරන්න බාරගත් වැඩසටහනක් නෙවෙයි. කොහොමත් මම කැමැති නැහැ පොලිටිකල්වලට. මට දෙරණෙන් ‍එම වැඩසටහන කරන්න කීවිට මම එකවරම බැහැ කීවා. නමුත් මට පෙර එම වැඩසටහන කළ නිවේදිකාව 360කරන්න එපා යැයි ව්‍යාංගයෙන් බලපෑම් කළා. ඒ තරහට තමයි මම එම වැඩසටහන කරන්න ඉදිරිපත්වුණේ.

මුල් කාලයේ පොඩි බයක් තිබුණා. දැන් අවුරුදු 10ක් විතර එම වැඩසටහන කළ නිසා දැන් එය සාමාන්‍ය දෙයක්.

ඔව්. චාප බණ්ඩාර. අපි දෙන්නා ශෛලීන් දෙකක දෙන්නෙක්. ඇතැමුන් අපි දෙන්නෙක් වැඩසටහන මෙහෙයවනවාට කැමැති නැහැ. මට තනියම කරන්න කියනවා. නමුත් මම තනියම කරගෙන යනවට වඩා ඔළු දෙකකින් මෙහෙයවන වැඩසටහන සාර්ථකයි කියා මම හිතනවා.

මම පුංචි කාලෙ සිටම නිවේදිකාවක් වෙන්න හීන දැකපු කෙනෙක් නෙමෙයි. පොලීසියට බැඳී රහස් පරීක්ෂකවරියක් වෙන්නයි මගේ ආසාව වුණේ.එසේ නොමැතිනම් මනෝවිද්‍යා උපදේශකවරියක් වීමට. නමුත් ඒ දෙකම නැතිව නිවේදන වෘත්තිය තෝරාගත්තා.

මම පාසල් දෙකකට ගියා. මොරටුව කොන්වන්ට් එකට සහ දෙහිවල ප්‍රෙස්බ්‍රෙටේරියන් පාසලට. පාසල් කාලයේ සෑම පොදු වැඩකටම ඉදිරිපත්ව සංගම් ගණනාවක නිලතල දැරුවා.නර්ථනය කළා. ඒ වගේම පෙරදිග තූර්යවාදක කණ්ඩායමේ සාමාජිකාවක්. උ.පෙළට විද්‍යා විෂයයන් හැදෑරුවේ. එහෙත් පසුකාලීනව මාධ්‍ය පිළිබඳව ජයවර්ධනපුර විශ්වවිද්‍යාලයේ ජනමාධ්‍ය පාඨමාලාව සහ වෙනත් පාඨමාලා හැදෑරුවා.

මගේ මව විමලන්ද්‍රා කුමාරි. ඇය රංගන ශිල්පිනියක්. විශේෂයෙන් ඩී.බී නිහාල්සිංහයන්ගේ නිර්මාණවලට ඇය රංගනයෙන් දායකවී තිබෙනවා. පියා සිසිල් ගුණසේකර. ඔහුත් වේදිකා නාට්‍ය රංගන ශිල්පියෙක්. වගේම පිටපත් රචකයෙක්. අපේ ගෙදර තිබුණේ කලා පරිසයක් නිසා මම නිවේදන ක්ෂේත්‍රයට යොමුවනවාට ඔවුන්ගේ අකැමැත්තක් තිබුණේ නැහැ.

ඇත්තටම සතුටුයි. ජනතා ප්‍රශ්න සමාජගත කිරීමට වෙර දරන වෘත්තියක නියැලීම නිසයි ඒ තෘප්තිය වඩාත් දැනෙන්නේ. එය උපරිමයෙන් සහ අවංකව කිරීමයි මගේ අපේක්ෂාව. 360 වැඩසටහනේදි ප්‍රබල දේශපාලකයන් සජීවීව මා සමග වාද විවාද කළත් තිරයෙන් පිටුපස ඔවුන් මා සමග කිසිම අමනාපයක් නැහැ. ඔවුන් දන්නවා මම මේ ප්‍රශ්න අහන්නේ මගේ පෞද්ගලික ඇජෙන්ඩාවකට නොවෙයි රටේ ප්‍රශ්න කියා.

මගේ සැමියා ඩිලාන් අසේල. ඔහු පාරිසරික විශේෂඥයෙක්. ලොකු දුව විනුකී වයස අවුරුදු තුනයි. පුතා ටමෝද් අවුරුද්දයි මාස නවයයි.ඒ අයගේ සියලු වගකීම් දරමින් රැකියාවේ වගකීම් දරමින් ඉතා වෙහෙසකර ජීවන රටාවක් තමයි ගෙවන්නේ.