සුවසැරිය හදිසි ගිලන් රථ සේවයට ගතවූ පස් වසර තුළ ඇමතුම් හතළිස් හතර ලක්‍ෂ හතළිස් දහස් දෙසීය අනූවක් (4,444,290) ලැබී ඇතැයි එම සුවසැරිය පදනමේ ප‍්‍රධාන විධායක නිලධාරි ෂොහාන් ද සිල්වා මහතා පැවැසීය.
එමෙන්ම මෙම ගතවූ කාලය තුළ හදිසි අවශ්‍යතා සඳහා සුවසැරිය ගිලන් රථ සේවය අවස්ථා නව ලක්‍ෂ හැටපන්දහස් එකසිය තිස් පහකදී (965,135) පමණ මහජනතාව වෙනුවෙන් පිහිට වී ඇතැයි ද හෙතෙම කියා සිටියේය.
මෙහිදී තවදුරටත් කතා කළ ෂොහාන් ද සිල්වා මහතා
‘‘සුවසැරිය 1990 අංකයට දවසකට ඇමතුම් 1000 ක් විතර ලැබෙනවා. නිවසේදී සිදු වූ අනතුරුවලට ලක් වූ පුද්ගලයන්, මහම`ග සිදුවන අනතුරුවලදී තුවාල ලබන පුද්ගලයන්, හදිසියේ රෝගාතුර වන පුද්ගලයන් සම්බන්ධයෙන් ඇමතුම් ලැබෙනවා. ප‍්‍රතිකාර කළහැකි රෝගීන්ට අපේ වෛiවරුන් ඇතුළු කාර්ය මණ්ඩලය ප‍්‍රතිකාර කරනවා. රෝහල්ගත කළ යුතු අය රෝහල්ගත කරනවා.
ඒ වගේම මහජනතාවගෙන් ඉල්ලා සිටිනවා. සුළු සුළු අසනීපවලට නිකරුණේ 1990 ට කතා කරන්න එපා කියලා.
මේ සේවාව සපයන්න සුවසැරිය හදිසි ගිලන් රථ 297 ක් තියෙනවා. 1394 දෙනකුගෙන් සමන්විත සේවක ම`ඩුල්ලක් සුවසැරිය හදිසි ගිලන් රථ සේවාවේ සේවා සපයනවා.
සුවසැරිය ගිලන් රථ සේවය 2016 දී ආරම්භ වූ බවද හෙතෙම සඳහන් කළේය.
ප‍්‍රදීප් ප‍්‍රසන්න සමරකෝන්