ජනාධිපති ලේකම් ධුරයෙන් ඉවත් වීම සඳහා පී බී ජයසුන්දර මහතා ජනාධිපති ගෝඨාභය රාජපක්ෂ මහතාට දීර්ඝ ලිපියක් යොමු කර ඇතැයි ඩේලි මිරර් පුවත්පත වාර්තා කරයි.
ජනාධිපති ගෝඨාභය රාජපක්ෂ මහතා ඉල්ලා අස්වීම පිළිගතහොත් නව වසරේ මුල් සතියේදී ජයසුන්දර මහතා ඉල්ලා අස්වීමට ඉඩ තිබේන බව වාර්තා වේ.
පසුගිය සති කිහිපය තුල පුවත් පත් රුසකම තනිකරම වාර්තා කර තිබුණේ ජයසුන්දර මහතාට එරෙහිව නැඟී එන විරෝධතා හේතුවෙන් විවිධ ගැටලු මත ජනාධිපති ලේකම් ධූරයෙන් ඉල්ලා අස්විය යුතු බවට අමාත්යවරුන් සියලු දෙනාම පාහේ කළ ඉල්ලීමත් සමඟ ජයසුන්දර මහතා ඉල්ලා අස්වීමට සූදානම් වන බවයි.
පසුගියදා පැවති කැබිනට් මණ්ඩල රැස්වීම්වලදී අමාත්යවරුන් විසින් මෙම කරුණ කෙටියෙන් මතු කර තිබූ අතර පැමිණ සිටි සියලුම අමාත්යවරුන් පාහේ කනස්සල්ලට පත්ව සිටි අතර ඔවුන්ගේ අදහස වූයේ ජයසුන්දර මහතා එම ධුරයෙන් ඉල්ලා අස්වී අලුත් මුහුණුවරක් පත්කළ යුතු බව දේශපාලන ආරංචමාර්ග සදහන් කරයි.
එම ආරංචි මාර්ග වැඩිදුරටත් පැවසුවේ මෙම රැස්වීමේදී මතු වූ ප්රධාන චෝදනාවක් වූයේ ඇමතිවරුන් ඔහු සම්බන්ධ කර ගැනීමට උත්සාහ කරන සෑම අවස්ථාවකදීම ආණ්ඩුවේ කටයුතු සාකච්ඡා කිරීමට ජයසුන්දර නොපැමිණීම සහ තවමත් හෙළිදරව් නොවන වෙනත් කරුණු බවයි.
ජයසුන්දරගේ ජනාධිපති ලේකම් ධූරය භාර ගැනීමට යෝජනා වී ඇති නව නම වන්නේ වත්මන් අගමැති මහින්ද රාජපක්ෂගේ ලේකම් ගාමිණී සෙනරත්ගේ හෝ වාරිමාර්ග අමාත්යාංශයේ ලේකම් අනුර දිසානායකගේ නමයි.