කොල්ලුපිටිය මයිනාගෝගමෙහි සහ ගාලු මුවදොර ගෝඨාගෝගමෙහි පසුගිය 9 වන දා සිදුවූ ප්‍රචණ්ඩකාරී හා කලහකාරී සිදුවීම්වලට සම්බන්ධ සැකකරුවන් හඳුනා ගැනීම සඳහා පොලිසිය මහජන සහය පතා තිබේ.

නිවේදනයක් නිකුත් කරමින් පොලිස් මාධ්‍ය කොට්ඨාසය සඳහන් කළේ, ඒ සම්බන්ධයෙන් අපරාධ පරීක්ෂණ දෙපාර්තමේන්තුව සිදු කළ පරීක්ෂණවලට අදාළව සිද්ධියට සම්බන්ධ පුද්ගලයින් හඳුනා ගැනීමට පොලිසිය මහජනතාවගේ සහාය ඉල්ලා සිටින බව ය.

එම පුද්ගලයින් පිළිබඳ යම් තොරතුරක් අතතොත් පහත දැක්වෙන දුරකතන අංක වෙත ලබා දෙන ලෙස පොලිසිය මහ ජනතාවගෙන් ඉල්ලා ඇත.