බෙලිහුල්ඔය ප්රදේශයේ නිවාඩු නිකේතනයකට 31 වැනිදා විදේශීය යුවළක් රාත්රි ලැඟුම් ගැනීමට පැමිණියේ සංචාරක සමාගමකට අයත් වාහනයකිනි. එය පැදවූ රියැදුරා ලාංකිකයෙකි. මෙරටට මීට පෙර ද පැමිණ ඇති මෙම විදේශීය යුවළ රට තුළ සංචාරය සඳහා මෙම රියැදුරුම සහාය කර ගත් නිසා පැරණි හිතවත්කමක් ද පවතින බව සඳහන් වේ.
අලුත් අවුරුද්ද ලබන්නට පෙර 31 වැනිදා හැන්දෑවේ සිටම මොවුහු මත්පැන් පානය කළහ. විදේශීය කාන්තාව ද හොඳ පදමට බිව්වාය. රියැදුරා ද සීමාවක් නොමැතිව බී පසුව විදේශිකයා සමඟ ආරවුලක් ද ඇති කර ගත්තේය. අවසානයේ සමනළ වැව පොලිස් මුරපළේ ස්ථානාධිපති උ. පො. ප. ලෝරන්ස් ප්රනාන්දු මහතාට මෙම ආරවුල විභාග කරන්නට සිදු වූයේ විදේශිකයාගෙන් ලද පැමිණිල්ලක් මතය. කෙසේ හෝ ඔහු පැමිණිලි කර ඇත්තේ බීමත් රියැදුරා තම බිරිඳට අතවර කිරීමට තැත් කළ බව සඳහන් කරමිනි.
අලුත් අවුරුද්ද ලබන්නට පෙර 31 වැනිදා හැන්දෑවේ සිටම මොවුහු මත්පැන් පානය කළහ. විදේශීය කාන්තාව ද හොඳ පදමට බිව්වාය. රියැදුරා ද සීමාවක් නොමැතිව බී පසුව විදේශිකයා සමඟ ආරවුලක් ද ඇති කර ගත්තේය. අවසානයේ සමනළ වැව පොලිස් මුරපළේ ස්ථානාධිපති උ. පො. ප. ලෝරන්ස් ප්රනාන්දු මහතාට මෙම ආරවුල විභාග කරන්නට සිදු වූයේ විදේශිකයාගෙන් ලද පැමිණිල්ලක් මතය. කෙසේ හෝ ඔහු පැමිණිලි කර ඇත්තේ බීමත් රියැදුරා තම බිරිඳට අතවර කිරීමට තැත් කළ බව සඳහන් කරමිනි.
ජනවාරි 01 දා පෙරවරු වනවිටත් මෙම ආරවුල නිරවුල් කිරීමට නොහැකි වූයේ ලාංකික රියැදුරා බීමතින් පසුවීම නිසාය. පොලිසිය මොවුන් තිදෙනාගෙන්ම ප්රශ්න කරමින් සිටින බව වාර්තා විය. හෝටල් කළමනාකාරීත්වයට ද මොවුන්ගේ ගැටලුව නිසා අපහසුතා පැමිණ ඇතැයි වාර්තා වේ.