මුස්ලිම් කාන්තාවන්ගේ විවාහ වන වයස් සීමාව අවුරුදු 18ක් බවට පත්කිරිමට අදාළව මුස්ලිම් විවාහ හා දික්කසාඳ පනත පනත සංශෝධනය කිරිමට අපේක්ෂා කරන බව අග්‍රාමාත්‍යවරයා ප්‍රකාශ ඇත.

පෙරේදා (24) විදේශ තානාපතිවරුන් හමු අවස්ථාවේ රට තුළ පවතින ආරක්ෂක තත්ත්වය පිළිබඳව දැනුවත් කිරීමේදී මේ බව සඳහන් කර තිබේ.

ශ්‍රී ලංකාවේ සෑම ජනකොටසකටම එක නිතියක් ක්‍රියාත්මක කිරීමට අදාළව ගෙන ඇති ක්‍රියාමාර්ගවලට සමගාමිව මෙම ක්‍රියාමාර්ගය ගැනීමට නියමිත බවත් ශ්‍රී ලංකාවේ කාන්තාවකට විවාහ වීමේ වයස ලෙස දැක්වෙන්නේ අවුරුදු 18 බවත් එහිදී අග්‍රාමාත්‍යවරයා විදෙස් තානාපතිවරු හමුවේ පෙන්වා දී ඇත.

ශ්‍රි ලංකාවේ සෑම පුරවැසියෙකුම එක නීතියකට යටත්විය යුතු බව පසුගියදා පාර්ලිමේන්තුවේදී ජනතා විමුක්ති පෙරමුණේ කළුතර දිස්ත්‍රික් මන්ත්‍රී නලින්ද ජයතිස්ස මහතා අවධාරණය කළ අතර අඩුම තරමේ මෙම මුස්ලිම කාන්තාවන්ගේ විවාහ නීතිය හෝ වෙනස් කළ යුතුව ඇති බවද එහිදී ඒ මහතා අවධාරණය කළේ ය.