පිටුවහල් කිරීමේ ක්‍රියාවලිය අනුගමනය කරමින් අබුඩාබි හිදී අත්අඩංගුවට ගත් ක්‍රිකට් ක්‍රීඩක ධනංජය ද සිල්වාගේ පියා ඝාතනය කිරීමේ ප්‍රධාන සැකකරුවන ධර්මසිරි පෙරේරා මෙරටට ගෙන්වා ගැනීමට ඉන්ටර්පොල් සහ එරට තානාපති කාර්යාලය සමග එක්ව පියවර ගනිමින් සිටින බව පොලිස් මාධ්‍ය ප්‍රකාශකවරයා පවසනවා.

ඉකුත් මැයි මාසයේදී මොරටුව සොයිසාපුර ප්‍රදේශයේ හෝටලයකට වෙඩි ප්‍රහාර එල්ල කර අලාභහානි සිදු කිරීමට අදාලවද චෝදනා එල්ලවී තිබුණේද  මෙම සැකකරුමයි. 

ඉකුත් මැයි මස 19 වැනිදා මොරටුව සොයිසාපුර ප්‍රදේශයේ පිහිටි හෝටලයකට කිසියම් පිරිසක් පහරදී තිබූ අතර , මැයි මස 28 වැනිදාද එම හෝටලය අසලට මෝටර් රථයකින් පැමිණි පිරිසක් වෙඩි ප්‍රහාර එල්ල කර තිබුණා.

වෙඩි තැබීමේ සිදුවීමෙන් විනාඩි කිහිපයකට පසුව අදාල හෝටලයේ හිමිකරුට ඩුබායි රාජ්‍ය යේ සිට දුරකතන ඇමතුමකින් මරණීය තර්ජන එල්ල කර තිබුණා.

මෙම සිදුවීමට අදාලව ගල්කිස්ස කොට්ඨාශ භාර ජ්‍යෙෂ්ඨ පොලිස් අධිකාරී රොහාන් ප්‍රේමරත්ත මහතාගේ ප්‍රධානත්වයෙන් විමර්ශනයක් පැවැත්වුණා.

එක්සත් ආරාබි එමීර් රාජ්‍යයේ සැඟව සිටින ධර්මසිරි පෙරේරා නැමැත්තා අත්අඩංගුවට ගන්නා ලෙස අධිකරණයෙන් වරෙන්තුවක් ලබා ගැනුණේ එම විමර්ශනවලට අනුවයි.

එම වරෙන්තුව අන්තර්ජාතික පොලිසියට ඉදිරිපත් කිරීමෙන් අනතුරුව ධර්මසිරි පෙරේරා නැමැත්තාට එරෙහිව අන්තර් ජාතික පොලිසියෙන් රතු නිවේදනයක් නිකුත් කළා.

ඒ අනුව එක්සත් අරාබි එමීර් රාජ්‍ය යේ අබුඩාබී පොලිසිය විසින් නොවැම්බර් 29 වැනිදා ධර්මසිරි පෙරේරා නැමැත්තා අත්අඩංගුවට ගත් බව දැනුම්දී තිබෙනවා.

අත්අඩංගුවට ගෙන සිටින ධර්මසිරි නැමැත්තා 2018 වසරේ මැයි මස 24 වැනිදා ක්‍රිකට් ක්‍රීඩක ධනංජය ද සිල්වා ගේ පියා වූ දෙහිවල ගල්කිස්ස මහනගර සභාවේ නාගරික මන්ත්‍රී රංජන් ද සිල්වා ඝාතන සිද්ධිය මෙහෙය වූ සැකකරු ලෙස හඳුනාගෙන තිබෙනවා.

අදාළ සැකකරු අත්අඩංගුවට ගැනීම සම්බන්ධයෙන් ඝාතනයට ලක්වූ නාගරික මන්ත්‍රී රංජන් ද සිල්වා මහතාගේ බිරිඳ හිරු ප්‍රවෘත්ති වෙත අදහස් පළ කළා. 

අදාල සැකකරු විසින් 2018 මාර්තු 08 වැනිදා බස්නාහිර පළාත් සභා මන්ත්‍රී අමල් සිල්වාට වෙඩි තබා බරපතළ තුවාල සිදුකිරීම.

2018 දෙසැම්බර් 05 වැනිදා පොද්දලගේ උදාර සඳරුවන් හෙවත් ‘උදාර‘ නැමැත්තා වෙඩි තබා ඝාතනය කිරීමට සැලසුම් කිරීම.