ශ්‍රී ලංකා නිදහස් පක්ෂය නැවත ගොඩනැගීමට නායකත්වය ලබා දීමට පෙරට එන ලෙස එම පක්ෂයේ ජ්‍යෙෂ්ඨ සාමාජිකයින් පිරිසක් හිටපු ජනාධිපතිනි සහ ශ්‍රී ලංකා නිදහස් පක්ෂයේ ප්‍රධාන අනුශාෂිකා, චන්ද්‍රිකා බණ්ඩාරනායක කුමාරතුංගට ආරාධනා කර තිබේ.

පසුගියදා  (29) දිනට යෙදී තිබෙන හිටපු ජනාධිපතිනියගේ 76 වැනි ජන්ම දිනය වෙනුවෙන් ශ්‍රී ලංකා නිදහස් පක්ෂයේ ජේෂ්ඨයින් රැසක් සමාජ මාධ්‍ය ජාලා ඔස්සේ සුබ පැතුම් එක් කර තිබුණා. එලෙස සුබ පැතුම් එක් කළ බොහෝ පිරිසකගේ අදහස වී තිබුණේ ශ්‍රී ලංකා නිදහස් පක්ෂ නායකත්වය නැවැතත් හිටපු ජනාධිපතිනිය විසින් භාර ගත යුතු බවයි.

එමෙන්ම ශ්‍රී ලංකා නිදහස් පක්ෂයේ වැදගත්ම ඒකකය වන පක්ෂ මධ්‍යම කාරක සභාව නියෝජනය කරන පිරිසක් ද මේ අතර සිටීම විශේෂත්වයකි.