‘‘හතරපස් දෙනා බැගින් වූ කුඩා කණ්ඩායම්වලට වෙන් කරලා අපි බර්ඩුබායි පොලිසියේ සිර මැදිරිවල වෙන වෙනම රඳවා සිටියා. තාත්තා රඳවලා හිිටියෙ මම හිටපු සිරමැදිරියෙ නෙවෙයි. ඩුබායි පොලිසිය අපට කන්න බොන්න දීල සැලකුවා’’ යැයි කටුනායකදී අපරාධ පරීක්ෂණ දෙපාර්තමේන්තුව භාරයට පත් වූ ගායන ශිල්පී නදීමාල් පෙරේරා ඊයේ 27 වැනිදා කටුනායක ගුවන් තොටුපළේදී පොලිස් ප්රශ්න කිරීම් හමුවේ කියා සිටියේය.
ඩුබායි පොලිසිය අපේ රුධිරය, මුත්රා සාම්පල් චෙක් කළා. අවසන් වාර්තාවලින් මමත්, ලලිත් කුමාරත් මත්ද්රව්ය භාවිත කර නොතිබූ බව හෙළි වුණා. ඒ නිසා ඩුබායි පොලිසිය අපි එරටින් පිටුවහල් කිරීමට කටයුතු කළා යැයි නදීමාල් පෙරේරා පොලිස් ප්රශ්නකිරීම් හමුවේ වැඩිදුරටත් කියා සිටියේය.ඩුබායි රාජ්යයෙන් පිටුවහල් කිරීමෙන් පසු කටුනායක ගුවන් තොටුපළ අපරාධ පරීක්ෂණ දෙපාර්තමේන්තුව භාරයට පත් ගායන ශිල්පී නදීමාල් පෙරේරා පැය 9 ක් තිස්සේ රඳවාගෙන සිදුකළ ප්රශ්නකිරීම්වලින් පසුව ඊයේ සවස මුදාහරින ලදි.
