කොරෝනා වෛරසය ආසාධනය වීමෙන් රෝහල් ගත කළ චීන ජාතික කාන්තාව තවදුරටත් නේවාසිකව ප්රතිකාර ලැබීමේ අවශ්යතාවයක් නැතිබව අංගොඩ පිහිටි IDH රෝහලේ විශේෂඥ ආනන්ද විජේවික්රම මහතා සඳහන් කර සිටිනවා.
මේ වන විට ඇය සුවය ලබා ඇති බවයි ඔහු සඳහන් කළේ.
43 හැවිරිදි මෙම චීන ජාතික කාන්තාව ඉකුත් ජනවාරි 19 වෙනිදා තවත් චීන ජාතිකයින් පිරිසක් සමග මෙරට සංචාරයක් සඳහා පැමිණ සිටියදී කොරෝනා වෛරස් ලක්ෂණ පෙන්නුම් කිරිම හේතුවෙන් ඉකුත් 25 වෙනිදා රෝහල් ගත කෙරුණා.
මෙම චීන ජාතික කාන්තාව තවදුරටත් නේවාසිකව ප්රතිකාර ලැබීමේ අවශ්යතාවයක් නැති වුවත් මෙම රෝගී තත්ත්වය ලංකාවෙන් වාර්තා වීමේ අඩුවක් දක්නට ලැබෙන බැවින් තවත් දින කිහිපයක් ඇයව රෝහලේ තබා ගෙන සිටිමට පියවර ගෙන ඇති බවයි විශේෂඥ වෛද්ය ආනන්ද විජේවික්රම සඳහන් කර සිටියේ.
මෙම කාන්තාවගෙන් තවත් පුද්ගලයෙකු ගෙන් කොරෝනා වෛරසය සම්ප්රේෂණය වීමේ අවධානමක් නොමැති බවයි ඔහු මෙහිදී සඳහන් කර සිටියේ.