මව දැඩි සේ විරුද්ධ වුනා

දෙදෙනා අතර බහින්බස් වීමක් සිදුවුනා

යාපනය විශ්වවිද්‍යාලයේ වෛද්‍ය පීඨයේ තුන්වන වසරේ ශිෂ්‍යාවක් වූ බේරුවල වලතර බදනගොඩ ප‍්‍රදේශයේ පදිංචි රෝෂිණී කාන්චනා මහත්මියගේ ඝාතනය සම්බන්ධයෙන් යාපනය පොලීසිය විසින් අත්අඩංගුවට ගත් ඇයගේ සැමියා පොලිසිය හමුවේ පාපොච්චාරණය කර ඇති බව පොලිස් ආරංචි මාර්ග සඳහන් කළා.

ඔහු සඳහන් කර ඇත්තේ එම විවාහයට වෛද්‍ය ශිෂ්‍යාවගේ මව දැඩි සේ විරුද්ධ වීම නිසා මේ දෙදෙනා අතර නිතරම ආරවුල් ඇති වූ බවයි.

තම බිරිඳ මේ අතරවාරයේ වෙනත් අයෙකු සමග පේ‍්‍රම සම්බන්ධතාවකින් පසුවන බවට ආරංචි වූ බවයි ඔහු සඳහන් කර ඇත්තේ.

ඒ පිළිබඳව විමසූ අවස්ථාවේදී දෙදෙනා අතර බහින්බස් වීමක් සිදුවී මෙම මරණය සිදුවූ බව වෛද්‍ය ශිෂ්‍යාව ඝාතනය කළ සැකකරු වන එරංග දිලිප් කුමාර නමැත්තා පොලිසියට පවසා තිබෙනවා.