රන්ජන් රාමනායක මන්ත්රීවරයාගේ හඬපටවලින් අනාවරණය වන විනිශ්චයකාරවරුන්, ආයතන ප්රධානීන් ඇතුළු පිරිසක් ඉදිරියේදී ව්යාජ නම්වලින් විදෙස්ගත වීමට කටයුතු කරමින් සිටින බවට බුද්ධි අංශ විසින් අනාවරණය කරගෙන තිබෙනවා.
මේ අතර හඬපටවලින් අල්ලස් ගැනීම් පිළිබඳව චෝදනා එල්ල වීමට ඉඩ ඇති කිහිප දෙනකුද වන අතර, ඔවුන්ට ව්යාජ ගමන් බලපත්ර සකසා දී රටන් පිට කිරීමට ආගමන හා විගමන දෙපාර්තමේන්තුවේ නිලධාරීන් කිහිප දෙනකුගේ සහාය ලැබෙමින් පවතින බවයි ඔවුන් අනාවරණය කරගෙන ඇත්තේ.
ආගමන හා විගමන නිලධාරීන් විසින් පසුගිය වසරේ මෙලෙස පාතාල අපරාධකරුවකුට රටින් පිට වීම පිණිස අවස්ථාව සලසා දුන් අවස්ථාවක් සම්බන්ධව මේ වන විට විමර්ශන කටයුතු සිදු කෙරෙමින් පවතිනවා.
පසුගිය වසරේ ජූලි 28 වැනිදා නුගේගොඩ ජම්බුගස්මුල්ලේදී සිදු වූ ඝාතනයක් සම්බන්ධ පාතාල අපරාධකරුවකු පිළිබඳ විමර්ශන කිරීමේදී ඔහු එම වසරේ ජූලි 26 වැනිදා රටින් පිටව ගොස් ඇති බවට ආගමන හා විගමන තොරතුරුවල සටහන්ව තිබූ අතර, ඒ ගැන විමර්ශන කිරීමේදී මේ වන විට අනාවරණය වී ඇත්තේ ආගමන-විගමන දත්ත පද්ධතියේ එසේ සටහන්ව ඇතත් ඔහු එදින විදෙස්ගත වී නැති බවයි.