බෝන් අගේන් කණ්ඩායම ශ්‍රී ලංකා ක්‍රිකට් ක්‍රීඩකයන්ට අමතරව එල්ලේ ඇතුළුව තවත් ජනප්‍රිය ක්‍රීඩා සංගම් කීපයකම නියෝජිතයන් සහ ක්‍රීඩකයන්ද සිය අනුගාමිකයන් ලෙස බඳවා ගැනීමේ වැඩපිළිවෙළක් අරඹා ඇතැයි බුද්ධි අංශ විසින් අනාවරණය කරගෙන තිබේ.

දිවැසිවරයෙක් ලෙස පෙනී සිටින ජෙරම් ප්‍රනාන්දු නමැත්තා විසින් පවත්වන දේව මෙහෙයන්වලට එක්වන පන්සියයත් හයසියයත් අතර පිරිසක් සතිපතා ආගමට හරවා ගන්නා බවට ආරක්ෂක බුද්ධි අංශ අනාවරණය කර ඇත. ඉහළ උපදෙස් මත ඇරඹි බුද්ධි විමර්ශනයකින් මේ බව හෙළිවී ඇත.දැනට කෙරෙන බුද්ධි අංශ විමර්ශනවලින් තහවුරු කර ඇත්තේ සුවකිරීමේ දේව මෙහෙයන්වලට මුවා වී පාරම්පරික බෞද්ධයන්, හින්දු හා කතෝලික ආගමේ අය ද මෙම කණ්ඩායමට එක්කර ගන්නා බවය.