පාස්කු ඉරුදින ප්‍රහාරය සිදු වන තෙක්ම මාවනැල්ලේ බුදු පිළිමවලට හානි කිරීම සම්බන්ධයෙන් කිසිදු සැකකරුවෙකු අත්අඩංගුවට ගැනීමට අපරාධ පරික්ෂණ දෙපාර්තමේන්තුව අසමත් වූ බව එවකට මාවනැල්ල සහකාර පොලිස් අධීකාරීවරයාව සිටි ගාමිණී තෙන්නකෝන් මහතා අනාවරණ කරනු ලැබුවා.

ඒ පාස්කු ප්‍රහාරය සම්බන්ධයෙන් විමර්ශනය කෙරෙන ජනාධිපති කොමිසම හමුවේ ප්‍රකාශ ලබා දෙමින්.

තෙල්දෙණිය සහකාර පොලිස් අධිකාරීවරයා ලෙස මේ වන විට සේවයේ නිරත ඔහු කොමිසම හමුවේ පැවසුවේ මාවනැල්ලේ බුදුපිළිමවලට හානි කිරීමේ පළමු සිද්ධිය 2018 දෙසැම්බර් 23 වැනිදාත් දෙවැනි සිදුවීම දෙසැම්බර් 26 වැනිදාත් වාර්තාවූ බවයි.

බස්නාහිර පළාත් ආණ්ඩුකාර අසාද් සාලි මහතා රේගු නීති උල්ලංඝණය කරමින් තමන් සන්තකයේ තබාගෙ සිටි අති සුඛෝපභෝගී මෝටර් රථයක් අත්අඩංගුවට ගැනීමට වලාන දූෂණ මර්ධන නිලධාරීන් සහ රේගු නිලධාරීන් එක්ව කටයුතු කර තිබේ.

අති නවීන සුඛෝපභෝගී මෝටර් රථයක් වන මෙය කාත්තන්කුඩි ප්‍රදේශයේ පුද්ගලයෙකුගේ නමට ගෙන්වා ඇති මෝටර් රථයක් බවද වාර්තා වේ. මෙය පසුගිය කාලයේ කුමන ආකාරයෙන් කටයුතුකළේද යන්න පරීක්ෂණයනක්ද ආරම්භ කර ඇතැයිද පැවසේ.