රට ආර්ථිකය අර්බුදයකට මුහුනපා සිටින මොහොතක ව්‍යාපාර කටයුතු වලට විශාල බරක් වී ඇති බැංකු සහ මුල්‍ය ආයතන විසින් ලබා දී ඇති ණය අය කිරීම මාස 06 කට නතර කිරීමට ජනාධිපතිවරයා විසින් කර ඇති නියෝගය කර්මාන්තශාලා සඳහාද ලබාදෙන මෙන් දේශීය කර්මාන්තශාලා හිමියන්ගේ සංසදය රජයෙන් ඉල්ලා සිටිනවා.

තවද කාරක ප්‍රාග්ධනය අතිශය වැදගත් වන්නේ කර්මාන්තශාලා වලට බැවින් 4% ණය පොලී සහනය කර්මාන්තශාලා සඳහාද ලබා දෙන ලෙසයි වැඩිදුරටත් ඔවුන් සඳහන් කරන්නේ.

එසේ නොවුනහොත් අප රටේ අති විශාල ජනතාවකට රැකියා සපයන, විශාල ලෙස විදේශ විනිමය රටතුලට රැගෙන එන දේශීය කර්මාන්තශාලා රැසක් නොදුරේදීම වැසී යනු ඇති බවයි ඔවුන් රජයට අවදාරණය කර සිටින්නේ.