සෞඛ්‍ය හා සමාජ ක්ෂේත්‍ර එක්ව ගෙනයන වැඩපිළිවෙළට සුබ පතනවා
එක්ව කටයුතු කරන ආකාරය ප්‍රශංසනීයයි

මෙම දුරකථන සංවාදයෙන් පසු සිය ට්විටර් ගිණුමේ සටහනක් තබමින් ලෝක සෞඛ්‍ය සංවිධානයේ අධ්‍යක්ෂ ජනරාල්වරයා කියා ඇත්තේ ශ්‍රී ලංකා රජය කොරෝනා වයිරසය මැඬපැවැත්වීම සඳහා ලෝක සෞඛ්‍ය සංවිධානය සමඟ එක්ව කටයුතු කරන ආකාරය ප්‍රශංසනීය බවයි. සෞඛ්‍ය හා සමාජ ක්ෂේත්‍ර එක්ව ගෙනයන වැඩපිළිවෙළට සුබ පතන බවද සඳහන් කර ඇත. කොවිඩ් - 19 සහ සෞඛ්‍ය හා ආර්ථික ඝට්ටනය පිළිබඳවද මෙහිදී සාකච්ඡා කර ඇත.

මෙම දුරකථන සංවාදයෙන් පසු ශ්‍රී ලංකා ජනාධිපති ගෝඨාභය රාජපක්ෂ මහතාද සිය ට්විටර් ගිණුමේ සටහනක් තබමින් කියා ඇත්තේ කොවිඩ් - 19 වසංගතය මුලිනුපුටා දැමීමට ලෝක සෞඛ්‍ය සංවිධානය සමඟ එක්ව දිගටම කටයුතු කරන බවයි. එමඟින් මෙය පාලනය කරන බවද ජනාධිපතිවරයා කියා තිබේ.