පරිප්පු සහ ටින් කළ මාළු පාලන මිලෙන් ඉවත් කිරීමට අමාත්‍ය මණ්ඩලය තීරණය කර තිබෙනවා.

පරිප්පු කිලෝග්‍රෑමයක් රුපියල් 65කට අලෙවි කළ යුතු බව සඳහන් කරමින්ද, ටින් කළ මාළු රුපියල් 100කට අලෙවි කළ යුතු බව සඳහන් කරමින්ද පාරිභෝගික කටයුතු පිළිබඳ අධිකාරිය මාර්තු මාසයේදී ගැසට් නිවේදනයක් නිකුත් කරනු ලැබුවා.

මින් ඉදිරියට සතොස සහ සමුපකාරය හරහා පමණක් පරිප්පු සහ ටින් කළ මාළු පාලන මිල යටතේ අලෙවි කිරීමට අමාත්‍ය මණ්ඩලය තීරණය කර තිබෙනවා.

මේ අතර කැකුළු සහල් කිලෝග්‍රෑමයක් රුපියල් 85කටද, සම්බා හා නාඩු කිලෝග්‍රෑමයක් රුපියල් 90කටද කිරි සම්බා රුපියල් 125කටද අලෙවි කළ යුතු බව සඳහන් කරමින් පාරිභෝගික කටයුතු පිළිබඳ අධිකාරිය ඊයේ (11) ගැසට් නිවේදනයක් නිකුත් කර තිබුණා.