මෝටර් රථයක ඉදිරිපස අසුනේ සිටි තම බිරිඳට බිළිඳෙකු ප්‍රසූත කිරීම සඳහා වින්නඹු මවකගේ කාර්ය භාරය ඉටු කළ ශ්‍රී ලාංකික පියෙකු ඔස්ට්‍රේලියානු ජනතාවගේ දැඩි ප්‍රසාදයට ලක්ව තිබේ.

තම බිළිඳු පුතණුවන් මෙලොව එළිය දකින තුරු සිටියේ නොඉවසිල්ලෙන් සටි මාධවී ලෙව්කේ සහ ශ්‍යාම් කෝට්ටෙගොඩ කිසි විටක ත් ඔහුගේ උපත ඔස්ට්‍රේලියාවේ බ්‍රිස්බේන් නුවර රෝහල් රථ ගාලකල මෝටර් රථයක් තුළ සිදුවෙතැයි ඔවුහු කිසි විටකත් බලාපොරොත්තු වී නොසිටියහ.

දරු ප්‍රසූතිය සඳහා ඉකුත් බ්‍රහස්පතින්දා (ජන. 20) උදෑසන කඩිනමින් රෝහල වෙත තම බිරිඳ ගෙන යාමට ශ්‍යාම් කටයුතු කළ ද ඊට පෙර ඔහුට ඔවුන්ගේ දියණිය වන බුවීල දිවා සුරැකුම් මධ්‍යස්ථානය වෙත රැගෙන යාමට සිදුව තිබිණි.

ඉන් අනතුරුව රෝහලට ළඟා වූ ශ්‍යාම්ට සිය බිරිඳගෙන් ලැබුණේ අනපේක්ෂිත පිළිතුරකි.

ඒ වන විට ත් බ්‍රිස්බේන් නුවර, මාටර් මාතෘ රෝහලේ හදිසි සේවා ප්‍රදේශයට පැමිණීමට ශ්‍යාම්ට හැකි වී තිබිණි.

තම බිරිඳට වින්නඹු මවකගේ කාර්ය භාරය ඉටු කළ ශ්‍යාම් තම අත්දැකීම විස්තර කළේ එලෙසිනි.

දරු ප්‍රසූතිය ගැන අදහස් දක්වමින් මාධවී ප්‍රකාශ කළේ, තමන් මහත් සතුටට පත් වුණු බව ය.

එම අවස්ථාව වන විට රෝහල් වෛද්‍ය කණ්ඩායම මාධවී සහ ශ්‍යාම් සිටි ස්ථානය ළඟා වී තිබිණි.

ශ්‍යාම් ප්‍රකාශ කළේ, ඔවුන් දැකීම තමන්ට සහනයක් ගෙන දුන් බව ය.

මාධවී සහ ශ්‍යාම් අලුත උපන් සිය බිළිඳාට තවම ත් නම් තබා නොමැත.

මේ සම්බන්ධයෙන් ඔස්ට්‍රේලියානු මාධ්‍ය ද වාර්තා කර ඇති අතර ශ්‍යාම්ගේ ක්‍රියාව මහත් සේ එරට ජනතාවගේ ප්‍රසාදයට පත්වී තිබේ.

මවු බිම පුවත්පත ඇසුරෙනි