මුළු රටම එකවර නිරෝධායනය කළ යුතු තත්ත්වයකට ශ්‍රී ලංකාවට මෙතෙක් පැමිණ ඇති බව ජනාධිපති ගෝඨාභය රාජපක්ෂ මහතා සඳහන් කරයි.

මේ ගැන තමන් බොහෝ දුරට සාකච්ඡා කළ බව ඔහු පැවසීය.

ඇතිව තිබෙන කොරෝනා ව්‍යාප්තිය සම්බන්ධයෙන් අද ජනාධිපති කාර්යාලයේදී අද අදහස් පළ කරමින් ඔහු මේ බව කියා සිටියේය.

රටට කිසිවකුට ඇතුළු වීම නැවැත්වීම තුළින් වෛරසය පාලනය කළ හැකි වනු ඇති බවත් එම තීන්දුව ගත් බවත් ඔහු තවදුරටත් සඳහන් කළේය.

විදේශවලින් පැමිණ නිරෝධායන නොවී සිටින අය සොයා නිරෝධායනය කළ යුතු බවද ඔහු පැවසීය.

මෙම ව්‍යාප්තිය සිදුව ඇත්තේ සමාජ වගකීමෙන් තොරව පුද්ගලයන් කටයුතු කරන නිසා බව ද කෙසේ වෙතත් මෙය නිරෝධායන තුළින් පාලනය කළ හැකි වුවත් ඔහු තවදුරටත් කියා සිටියේය.

පාර්ලිමේන්තුව නැවත රැස්කිරීමේ අවශ්‍යතාවක් නෑ

පාර්ලිමේන්තුව නැවත රැස්කිරීමේ අවශ්‍යතාවක් නොමැති බව ජනපතිවරයා ප්‍රකාශ කර තිබෙනවා.

මහමැතිවරණය කල්දැමිය යුතුනම් ඒ සඳහා මැතිවරණ කොමිසමට බලය ඇති බවයි ජනපතිවරයා වැඩිදුරටත් ප්‍රකාශ කළේ.

මේ අතර ජනාධිපතිවරයා අද දිනයේ ජාතිය ඇමතීමට නියමිතව තිබේ.