ඇල්පිටිය ප්රදේශයේ ලැගුම්හලක කාමරයක් තුලදි අද (26) දා උදෑසන පුද්ගලයෙකු මියගොස් ඇතැයි පොලිසිය පවසයි.
මෙසේ මියගොස් ඇත්තේ ගනේගොඩ ප්රදේශයේ පදිංචී 46 හැවිරිදි තිදරු පියෙකි. අද දින ඇල්පිටිය ප්රදේශයේ ඇඳිරි නිතිය ඉවත් කිරිමෙන් පසු ඔහු එම ප්රදේශයේම වෙනත් කාන්තාවක සමග මෙම ලැගුම්හලට පැමිණ කාමරයක සිටියදි අසනිපවී ඇත. එහිදි අදාල කාන්තාව විසින් සුවසැරිය ගිලන් රථය ගෙන්වා ඇතිමුත් ඒ අවස්ථාව වනවිට ඔහු මියගොස් සිට ඇත.
පසුව පොලිසිය එම ස්ථානයට යනවිට ඇය එම ස්ථානයෙන් පලාගොස් නැවත පොලිසියට පැමිණ බාරවී ඇත.
අදාල පුද්ගලයා සමග ඇය වසරකට ආසන්න කාලයක් මෙම අනියම් සම්බන්දතාවය පවත්වාගෙන ගොස් ඇති බවත් මුලික පොලිස් පරික්ෂණවලදි අනාවරණය වී තිබෙනවා.
මියගිය අයගේ දේහය ඇල්පිටිය රෝහලේ මෘත ශරීරාගාරයේ තැන්පත් කර ඇති අතර සිද්ධිය සම්බන්දයෙන් ඇල්පිටිය පොලිසිය වැඩිදුර පරික්ෂණ සිදුකරයි.
වැලිවිටිය දිවිතුර උපුල් මහේෂ්