ශ්‍රේෂ්ඨාධිකරණය විසින් මරණීය දණ්ඩනය නියම කර සිටින පුද්ගලයකුට ජනාධිපති සමාව ලබාදෙන ලෙස එක්තරා නාලිකාවක් තමන්ගෙන් ඉල්ලා සිටි බව ජනාධිපති වික්‍රමසිංහ මහතා සඳහන් කරයි.

2022 රට ආර්ථික කඩාවැටීමට ලක් වූ අවස්ථාවේ රට භාර ගැනීම සඳහා විපක්ෂයේ නායක සජිත් ප්‍රේමදාස මහතා ඇතුළු කණ්ඩායමට මහා භාණ්ඩාගාරයේ දත්ත ඉදිරිපත් කරන ලෙස එවකට ජනාධිපති ගෝටාභය රාජපක්‍ෂ මහතා විසින් තමන් ඇතුළු කණ්ඩායම දැන්වූ බව බව එවකට මුදල් ඇමති වත්මන් විදේශ ඇමති අලි සබ්‍රි මහතා සඳහන් කරයි.

ගෝඨාභය රාජපක්ෂ මහතාගේ දැනුම් දීම මත තමන් මහා භාණ්ඩාගාර නිලධාරින් අවශ්‍ය ලේඛන සහිතව විපක්ෂ නායක කාර්යාලයට යැවූ බවද ඔහු පැවසුවේය.

2024 අය-වැය විවාදයේ දී කිසියම් අමාත්‍යාංශයේ වැය ශීර්ෂයක් පරාජය කිරීමට කටයුතු කරනු ලැබුවොත් අයවැය අවසාන වීමෙන් පසු පාර්ලිමේන්තුව විසුරුවා හැරීමට රජයේ ඉහළ පෙළේ අවධානය යොමුවී තිබේ.

දේශපාලන ආරංචි මාර්ග සඳහන් කරන්නේ දෙවැනි වර කියැවීමේදී අයවැය පරාජයට පත් නොකර කාරක සභා අවස්ථාවේ අයවැයට විරුද්ධව ආණ්ඩුවට සම්බන්ධ මන්ත්‍රීවරුන් පිරිසක් කටයුතු කළහොත් මෙසේ පාර්ලිමේන්තුව විසුරුවා හැරීමට සූදානමින් සිටින සිටින බවය.