වැලිසර නාවික හමුදා කඳවුරට අයත් රෝහලේ ප්‍රතිකාර ලබමින් සිටියදී ඊයේ (25) රාත්‍රියේදී හදිසියේ නාවික හමුදා නිලධාරියෙක් මියගොස් තිබේ. ඔහුට කොරෝනා වෛරසය වැලදී නොමැති බවට

සිදුකළ පරීක්ෂණ වලදී අනාවරණය වී තිබෙන බව නාවික හමුදාව සඳහන් කරයි.

නාවික හමුදා මාධ්‍ය ප්‍රකාශක ලුතිනන් කමාන්ඩර් ඉසුරු සුරියබණ්ඩාර සඳහන් කර සිටියේ මියගිය නාවික හමුදා නිලධාරියාගේ සිරුරෙන් ලබාගත් සාම්පල් අනුව සිදුකළ වෛද්‍ය පරීක්ෂණයෙන් ඒ බව තහවුරු වූ බවයි.

සීදුව ප්‍රදේශයේ යුධ හමුදා කඳවුරක් නිරෝධායනයට ලක් කර ඇත.

මහජන සෞඛ්‍ය පරීක්ෂකවරුන් සදහන් කරන්නේ එහි රාජකාරි කරන යුධ හමුදා නිලධාරියෙකුට කොරෝනා ආසාදනය වීම තහවුරු වීමෙන් මෙම පියවර ගත් බවයි.

අද පෙරවරු 10.00 වනවිට මෙරට කොරෝනා ආසාදිතයන් 460 දෙනෙක් වාර්තා වන බවත් ඉන් 333 දෙනෙකු තවදුරටත් රෝහල්ගතව ප්‍රතිකාර ලබන බවත් 120 දෙනකු සුවපත් වී නිවෙස් බලා ගොස් ඇති බවත් වසංගත රෝග විද්‍යා අංශය සඳහන් කරයි. නමුත් මේවන විට තවත් රෝගීන් 7 දෙනෙකු වාර්තා වී ඇතග ඒ අනුව ආසාධිත සංඛ්‍යාව 467 දක්වා ඉහලට ගොස් ඇත.

හම්බන්තොට දිස්ත්‍රික්කයෙන් පළමුවරට කොරෝනා ආසාධිත බවට තහවුරු වූ දෙදෙනකු අද (26) හමුවූ බව හම්බන්තොට දිස්ත්‍රික් සෞඛ්‍ය සේවා අධ්‍යක්ෂිකා වෛද්‍ය දීපිකා පටබැඳිගේ මහත්මිය පැවසුවා.

බණ්ඩාරනායක මාවතට ගිහින් එන්න කිව්වා. වැඩිම රෝගීන් ගාණක් හම්බ වුණේ එහෙන්. පොඩ්ඩක් වටපිටාව බලමුද?

මාධ්‍ය ආයතනයෙන් වාහනයට ගොඩ වූයේ උදෑසනය. වසර ගණනක් කොළඹ ජීවත් වුවද අසා දැන නැති මේ බණ්ඩාරනායක මාවත දැන් අපේ රට ජාත්‍යන්තරයට ගෙනගොස් තිබීම ඊට හේතුව විය.

බණ්ඩාරනායක මාවතට ගිහිල්ලා නෑ. වෙන්න බෑ මහත්තයා. මිනිස්සු ඔය බණ්ඩාරනායක මාවත කියලා කිව්වාට දන්නේ නෑ තැන. බණ්ඩාරනායක මාවත කියන්නේ කොටුවේ ගල්වළට. රියැදුරු මහතාගේ පැහැදිලි කිරීම දෙපා හිරිවට්ටන්නට හේතු වූවා යැයි නොකීවේ නම් වැරැද්දකි. මෙරට ‘හාඩ්වෙයා’ හෙවත් යකඩ ඇණයේ පටන් කන්ටේනර් පෙට්ටිය දක්වා යකඩ හා බැ¾දුණ වෙළෙ¼දාමේ හදවත වන්නේ ගල්වළයි. ගල්වළෙන් බඩු නොයනා හාඩ්වෙයාර් එකක් ශ්‍රී ලංකාවේ ඇති නම් එය වෙනම කතා කළ යුතු මාතෘකාවකි. ගල්වළ හෙවත් මේ කියනා පරිදි බණ්ඩාරනායකපුර මාවත දිනකට යකඩ ටොන්වලින් නම් ටොන් දහස් ගණනක් හා මුදලින් නම් කෝටි තිහ හතළිහක් එහා මෙහා මාරු වෙන හතරමං හන්දියකි.