මැතිවරණය පැවැත්වීම සඳහා ආණ්ඩුව මුදල් ලබා දීම සිදු නොකළහොත් ජනතාව සමඟ පාරට බහින බව ජාතික ජන බලවේගයේ නායක අනුර දිසානායක මහතා සඳහන් කරයි.

මැතිවරණය කල් දැමීමට ආණ්ඩුව ගත් සියලු උත්සාහයන් මේ වන විට අසාර්ථක වී ඇති බවත් දැනට ඇති එකම තුරුම්පුව මුදල් නොදී මග හැරීම බව ද ඔහු පැවසීය.

බලන්ගොඩ හල්පේ විහාරස්ථානයක වැඩ වෙසෙන සාමනේර හිමිනමකට පහර දුන් සැකකරුවන් 06 දෙනෙකු (07) දා පස්වරැවෙි අත්අඩංගුවට ගෙන ඇතැයි පොලිසිය පවසයි.

බලන්ගොඩ සමනල වැව පොලිස් බල ප්‍රදේශයට අයත් හල්පේ ප්‍රදේශයේ පදිංචි පිරිසක් මෙලෙස අත්අඩංගුවට ගෙන ඇතැයි සමනල වැව පොලිසිය පැවැසීය. පහර කැමට ලක් වු හිමිනම බලන්ගොඩ මුලික රෝහලට ඇතුලත් කර ප්‍රතිකාර ලබති.

ජාතික ජන බලවේගයේ (NPP) ඊයේ (30) පස්වරුවේ පැවති ගම්පහ දිස්ත්‍රික් සමුළුවට බිත්තර ප්‍රහාරයක් එල්ල කිරිම සඳහා පැමිණි පොහොට්ටු පක්ෂයේ කුලී මැර පිරිසක් එම සමුළුවට පැමිණි ජනතාව විසින් අල්ලා නිට්ටඹුව පොලිසියට භාර දෙනු ලැබ ඇත.

ජාතික ජන බලවේගයේ නායකයාට මෙම ප්‍රහාරය එල්ල වී ඇත්තේ, ගම්පහ කලගෙඩිහේන පෞද්ගලික උත්සව ශාලාවක පැවැත්වීමට නියමිතව තිබූ ජාතික ජන බලවේගයේ ගම්පහ දිස්ත්‍රික් සමුළුව සඳහා සහභාගි වීමට පැමිණි අවස්ථාවේදී ය. අනුර කුමාර දිසානායක මහතා උත්සව භූමියට පැමිණීමත් සමග ම ඉදිරිපස රැස්ව සිටි පිරිසක් විසින් මෙම ප්‍රහාරය එල්ල කර ඇත. මන්ත්‍රීවරයා පැමිණි රථයට සහ තවත් රථ කිහිපයකට බිත්තර ප්‍රහාරය එල්ල වී ඇත. මෙම ප්‍රහාරය වැළැක්වීමට රැස්ව සිටි පිරිස් උත්සාහ ගෙන ඇති අතර එහිදී එක් පුද්ගලයෙකුගේ හිසට ද තුවාල සිදුවී ඇත.

ජාතික ජන බලවේගයේ ජනාධිපතිවරණ අපේක්ෂක අනුර කුමාර දිසානායක මහතාට ඡන්දය භාවිතා කිරීමේ වුවමනාව ඇතත් ගෝඨාභය රාජපක්ෂ මහතා හෝ වෙනත් අයකු බලයට ඒදැයි සැකයෙන් පසුවන අය සිටී නම් පළමු මනාපය මාලිමාව ඉදිරියේ සලකුණු කර දෙවැනි මනාපය වෙනත් අයකුට ලබාදීම ගැටළුවක් නොමැති බව ජනතා විමුක්ති පෙරමුණේ දේශපාලන මණ්ඩල සභික කේ.ඩී. ලාල්කාන්ත මහතා පවසයි.