පසුගියදා වැලිකඩ බන්ධනාගාරයට ඇතුළු වී කලහනාරී ලෙස හැසිරැනු අමාත්‍යවරයා සමග මෑතකදී මහත් ආන්දෝලනයකට ලක් වූ විවාහක රූ රැජිනක් සහ තවත් තිදෙනෙක් සිට ඇති බව මාධ්‍ය වාර්තා කරයි.

එම රාජ්‍ය අමාත්‍යවරයා මරණ දඬුවම නියම සිටින අපරාධකරුවන් රඳවා ඇති සිරකුටි මැදින් එල්ලුම් ගස අසලට ගොස් ඔහු සමඟ පැමිණි පිරිසට එල්ලුම්ගස පෙන්වා ඇති බවද සඳහන්ය.

අමාත්‍යවරයා අධික බීමතින් සිටි ඇති අතර ඔහු අතට ඇති ගිනි අවිය සමග අවස්ථා දෙකක දී බිම ඇද වැටී තිබේ.

නීති විරෝධි අන්දමින් ටී 56 ගිනි අවි 02ක් සහ ජීව උණ්ඩ 210ක් සන්තකයේ තබා ගැනීමේ චෝදනාවට වරදකරු කරණු ලැබු මාලිගාවත්ත බෝධිරාජාරාමාධිපති පූජ්‍ය ඌවතැන්නේ සුමන හිමියන්ට ඊයේ (01) ජීවිතාන්තය දක්වා සිර දඬුවම් නියම කර තිබේ.

ඒ, කොළඹ මහාධිකරණ විනිසුරු ආදිත්‍ය පටබැඳිගේ මහතා විසින් ස්වයංක්‍රීය ගිනි අවි සහ ජීව උණ්ඩ සන්තකයේ තබා ගැනීමේ අධිචෝදනාවට විත්තිකාර හිමියන් වරදකරු බවට පැමිණිල්ල විසින් සාධාරණ සැකයකින් ඔබ්බට ඔප්පුකොට ඇති බවට නිගමනය කරමිනි.

පොලිස් විශේෂ කාර්ය බළකායේ ආරක්ෂාව සහිත විශේෂ බන්ධනාගාරය අද (25) සිට ක්‍රියාත්මක කර තිබෙනවා.

බූස්ස බන්ධනාගාරය තුළ පිහිටුවා ඇති මෙම කොටසේ ප්‍රධාන පෙලේ පාතාල අපරාධකරුවන් ,මත්ද්‍රව්‍ය ජාවාරම්කරුවන් ඇතුළු විශේෂ ගණයේ සැකකරුවන්ගේ රඳවා තැබීමට නියමිතයි.

පොලිස් විශේෂ කාර්ය බලකායේ ආරක්ෂාව යටතේ ප්‍රබල ඝණයේ අපරාධකරුවන් රැඳවීම සඳහා නව බන්ධනාගාර පරිශ්යක් ඇති කිරීමට ආරක්ෂක අමාත්‍යංශය මේවනවිට කටයුතු සුදානම් කරමින් පවතිනවා.

වැලිකඩ ඇතුළු බන්ධනාගාර කිහිපයක රඳවා සිටින ප්‍රබල ඝණයේ අපරාධකරුවන් 130 දෙනෙකු රැඳවීම එහි අරමුණයි.

ඒ අනුව ආරක්‍ෂක ලේකම් විශ‍්‍රාමික මේජර් ජෙනරාල් කමල් ගුණරත්න, වැඩබලන පොලිස්පති සී. ඞී. වික‍්‍රමරත්න සහ තවත් උසස් පොලිස් නිලධාරීන් කිහිප දෙනෙකු ඒ සඳහා සුදුසු ස්ථානයක් නිරීක්‍ෂණය කළ බවයි වාර්තා වන්නේ.

ගාල්ල බන්ධනාගාරයේ නිලධාරීන් සදහා ගාල්ල බන්ධනාගාරයේ පැවති රැස්වීමේදී ‘එකෙක් මැරුම් කෑවා, තව තුන්හතර දෙනෙක් ඉන්නවා, පරිස්සමින් පෙත්සම් ගහපල්ලා’ යනුවෙන් ගාල්ල, බන්ධනාගාර අධිකාරී පැවසූ බව ගාල්ල බන්ධනාගාරයේ නිලධාරීන් ප්‍රකාශ කරයි.

‘මට විරුද්ධවයි, කියල හිතාගෙන මේ අය පෙත්සම් ගැහුවත්, පාතාලය හිතන්නේ ඔවුන්ට විරුද්ධව පෙත්සම් ගහනවා කියලා’ යැයිද බන්ධනාගාර අධිකාරීවරයා මෙහිදී ප්‍රකාශ කර ඇත.