බ්‍රිතාන්‍යයේ හැරී කුමරු සහ මේගන් මාක්ල් මේ දිනවල රැඳීසිටින්නේ කොරෝනාව දැඩි ලෙස පැතිරගිය ඇමරිකාවේ ලොස් ඇන්ජලීස් නුවරයි. ඔවුන් එරට නිවෙස්වල සිරවී සිටින්නන් වෙනුවෙන් සහනාධාර වැඩසටහන් වලට දායකවී තිබෙන අතර ලාබ නොලබන ආයතනයක් වන ඒන්ජල් ෆුඩ් වෙනුවෙන් නිවෙස් වලට ගොස් ආහාර මළු ලබා දෙන අයුරු වාර්තා විය.

බ්‍රිතාන්‍ය රාජකීයත්වය නිල වශයෙන් ඉවත දැමූ හැරී සහ මේගන් යුවළගේ එදිනෙදා වියදම් සහ ආරක්ෂක බරපැන දරනුයේ කවුරුන්ද යන පැනයට මේ දක්වා පැහැදිලි පිළිතුරක් ලැබී නැති බව විදෙස් මාධ්‍ය පවසනවා.

මේ වනවිට හිටපු රාජකීයයන්ගේ නඩත්තුව කැනඩා රජය දැරිය යුතු නැතැයි කැනේඩියානුවන් පැහැදිලි බහුතරයක් අදහස් කරන බව පෙනීගොස් ඇති බව එම මාධ්‍ය පවසනවා.

බ්‍රිතාන්‍යයේ හැරි කුමරු සහ ඔහුගේ බිරිඳ මෙගන් මාකල් තවදුරටත් රාජකීය පවුලේ නම්බුනාම සහිත සාමාජිකයන් නොවන බව බකිංහැම් මාලිගය පසුගියදා (18) නිවේදනය කළේය. ඒ අනුව හැරි කුමරු සහ බිරිඳ මේගන් මාකල් ආර්ථිකමය වශයෙන් ස්වාධීන වන බවද ඔවුන් වියහියදම් ඔවුන්ම සොයාගන්නා බවද එම නිවේදනයේ දැක්විණි.