Advertisement

8 වන පාර්ලිමේන්තුවේ සිව්වන සභා වාරය උත්සවාකාරයෙන් විවෘත කිරීම අද පෙරවරු 10 ට සිදු කෙරුණා. ඒ, ජනාධිපති ගෝඨාභය රාජපක්ෂ මහතාගේ ප‍්‍රධානත්වයෙන්.

නව සභා වාරය අරඹමින් ජනාධිපතිවරයා සිදුකළ රාජාසන කතාව පහතින් දැක්වේ.

ශ්‍රී ලංකා ප්‍රජාතාන්ත්‍රික සමාජවාදී ජනරජයේ ජනාධිපතිවරයා ලෙස මා හට ඔබතුමාට අමතන්න ලබන්නේ පසුගිය නොවැම්බර් මාසයේදී මේ රටේ බහුතර ජනතාව මා වෙනුවෙන් දැක්වූ විශ්වාසය නිසයි.

මෙහි අසුන්ගෙන සිටින ඔබ කුමන පක්ෂයකට අයත් වුවත් අපි සැම දෙනාගේ වගකීම රටේ ජනතාවගේ සුභ සිද්ධියයි. මා වසර 20 ක් යුධ හමුදාවේ සේවයේ යෙදී සිටියා. මා ක්‍රියාකාරී දේශපාලනයේ යෙදී නැහැ.

මා කුරහන් පැහැ ඇති සාටකය පැළදුවේ නැති උනත් මා නියෝජනය කරන්නේ ඒ පිඩිත ජනතාවයි. මා මේ මොහොතේදී සෞභාග්‍යයේ දැක්ම ප්‍රතිපත්ති ප්‍රකාශය පාර්ලිමේන්තුවේ සභාගත කරනවා. මහජනතාවට පොරොන්දු වූ ආකාරයෙන්ම ඔවුන්ගේ සෞභාග්‍ය උදෙසා මා සහ මාගේ රජය කැපවෙනවා.

ඒ වගේම රජුන් තනන භූමිකාවට ජනතාව ප්‍රතික්ෂේප කර තිබෙනවා. ජාතින් අතර භේද වපුරනවා වෙනුවට ජනතාව එකතු කරගෙන ඉදිරියට යන්න අපි සියලු දෙනා කැපවෙන්න ඕන.

මගේ පාලන සමයේදී රටේ ආරක්ෂාව වෙනුවෙන් හා බුද්ධාගම ආරක්ෂා කරන්න කැපවෙනවා. ඒ වගේම රටේ ඕනෑම පුරවැසියෙකුට තමන් කැමති ආගමක් අදහන්න හැකි.

මා කුඩා කාලයේදී මාගේ පියා පාර්ලිමේන්තුව නියෝජනය කරන විට මෙහි ගැලරියට වී බලා සිට තිබෙනවා. එදා පාර්ලිමේන්තුවේ පැවති හරවත් කතාවන් අද නැහැ. නැවත මේ පාර්ලිමේන්තුව මහජනතාවගේ ගැටළු ගැන කතා කරන තැනක් බවට පත් කරන්න අප කටයුතු කළ යුතුයි. පාර්ලිමේන්තුව ජනතාවගේ ගෞරවය දිනා ගත් ස්ථානයක් බවට පත් කිරීමේ වගකීම මෙහි සිටින මන්ත්‍රිවරුන්ගේ වගකීමයි.

අද මේ රටේ සමාජ දේශපාලන අර්බුධයක් තියෙනවා. නිදහසින් පසුව අපේ රටේ සංවර්ධනය ගැන සෑහීමට පත්වෙන්න බැහැ. මේ තත්ත්වය වෙනස් කරන්න අපි සියලු දෙනාට වගකීමක් තියෙනවා. ඒ වෙනුවෙන් කැපවීමට අප සුදානම් වන්න ඕන. මහජන නියෝජිතයෙක් ගේ මුලික වගකීම මහජන සේවයයි. අපිට ලැබී තිබෙන තනතුරු වරප්‍රසාධ නොවන බව අප තේරුම් ගත යුතුයි.

රටක් සංවර්ධනය කරන්න නිවැරදි දැක්මක් තිබිය යුතුයි. ජනාධිපතිවරනයේදී ජනතාවට හදුන්වාදුන් සෞභාග්‍යයේ දැක්ම ප්‍රතිපත්ති මාලාව පසුගිය වසර 04ක කාලය තුලදී වියත්මග වැඩසටහන් තුලින් මෙන්ම ශ්‍රී ලංකා පොදුජන පෙරමුණ සංවිධානය කළ “ගම සමග පිළිසඳරක්” සහ අනෙක් දේශපාලන පක්ෂ සමග සිදුකළ සාකච්ජා වලදී හෙළිකර ගත් කරුණු, ජනතා අදහස් සහ මාගේ දැක්මද ඊට එක් කරමින් සකස් කළ ජාතික වැඩපිළිවලක්.

එහිදී ජනතාව මත පටවා තිබුණු අධික බදු බර ලිහිල් කිරීම, විනිවිදභාවයෙන් සහ කාර්යක්ෂම පාලනය හා අනවශ්‍ය රාජ්‍ය වියදම් කපා හැරීම වැනි කටයුතු මේ වන විටත් ආරම්භ කර තිබෙනවා.

අපේ ප්‍රතිපත්ති වලට අනුව ජාතික ආරක්ෂාවට ප්‍රමුඛස්ථානයක් ලබාදී තිබෙනවා. ඒ අනුව දක්ෂ නිලධාරීන්ට සුදුසු ස්ථාන ලබාදී තිබෙනවා. ඒ සඳහා බුද්ධි අංශ ශක්තිමත් කර තිබෙනවා. ත්‍රිවිධ හමුදාව සහ පොලිසිය අතර මනා සම්බන්ධයක් ඇති කර තිබෙනවා. පාතාල ක්‍රියාකාරීන්, මත්ද්‍රව්‍ය උවදුර, ස්ත්‍රී දුෂකයින් ගෙන් තොර රටක් බවට මෙය පත් කර යුතුයි.
ජනතා අපේක්ෂා ඉටුවන අන්දමින් ක්‍රියා කිරීම ජනතා නියෝජිතයන්ගේ වගකීම බව ජනාධිපති ගෝඨාභය රාජපක්ෂ මහතා අවධාරණය කරයි.
හිටපු ජනාධිපති මෛත්‍රීපාල සිරිසේන මහතා වත්මන් ජනාධිපති ගෝඨාභය රාජපක්ෂ මහතා සහ අග්‍රාමාත්‍ය මහින්ද රාජපක්ෂ මහතා හමු වී තිබෙනවා. ඒ ඉදිරි මහ මැතිවරණය සම්බන්ධයෙන් සාකච්ඡා කිරීම සඳහායි.

ඉදිරි මහ මැතිවරණයෙන් නව රජයට තුනෙන් දෙකක බලයක් ලබා දීමට ශ්‍රී ලංකා නිදහස් පක්ෂය කැපවී ක්‍රියා කල යුතු බව ශ්‍රී ලංකා නිදහස් පක්ෂ සභාපති හිටපු ජනාධිපති මෛත්‍රීපාල සිරිසේන මැතිතුමා පවසයි.
නව ආණ්ඩුවේ අමාත්‍ය මණ්ඩලය අද දිවුරුම් දීමේ ජාතික උත්සවය මේ වනවිට ජනාධිපති ලේකම් කාර්යාලයේදී පැවැත්වෙනවා.

නව අමාත්‍ය මණ්ඩලය දිවුරුම්දීම -
ගරු අග්‍රාමාත්‍ය මහින්ද රාජපක්ෂ මැතිතුමා
මුදල් ආර්ථික සහ ප්‍රතිපත්ති, නාගරික සංවර්ධන ජල සම්පාදන සහ නිවාස පහසුකම් සහ බුද්ධ ශාසන අමාත්‍ය

ශ්‍රී ලංකාවේ හත්වන විධායක ජනාධිපති ගෝඨාභය රාජපක්ෂ මහතා, අගමැති රනිල් වික්‍රමසිංහ මහතා, විපක්ෂ නායක මහින්ද රාජපක්ෂ මහතා අතර විශේෂ සාකච්ඡාවක් අද පස්වරුවේ පැවැත්වීමට නියමිතව ඇත.
ශ්‍රී ලංකාවේ වන විධායක ජනාධිපතිවරයා ලෙස ගෝඨාභය රාජපක්ෂ මහතා හෙට පෙරවරුවේ ධුරයේ දිවුරුම් දීම අනුරාධපුර ජය ශ‍්‍රී මහා බෝධිය ඉදිරියේදී සිදු කිරීමට නියමිතය.
මේ වන විට ගෝඨාභය රාජපක්ෂ මහතාගේ ජයග්‍රහණය ස්ථීර කරමින් අවසන් බව බුද්ධි අංශ වාර්තා වලින් පැහැදිලි වන බව පැවසේ. ඒ අනුව  පහත සදහන් වන්නේ අවම වශයෙන් ගෝඨාභය රාජපක්ෂ මහතා සහ සජිත් ප්‍රේමදාස මහතා ලබාගන්නා ප්‍රතිශතයන්හී අගයයි.

ඉලංගෙයි තමිල් අරසුකච්චි පක්ෂය ඇතුළු දෙමළ ජාතික සන්ධානයේ සහය ජනාධිපති අපේක්ෂක සජිත් ප්‍රේමදාසට ලැබීමත් සමඟ පොදුජන පෙරමුණ පාර්ශවය දැඩි අර්බුදයකට පත්ව ඇති බව වාර්තා වෙයි.

ඒ මෙතෙක් ජනාධිපතිවරණය ජයග්‍රහණය කිරීම වෙනුවෙන් සජිත් ප්‍රේමදාස සහ ගෝඨාභය රාජපක්ෂ අතර පැවති කරට කර තරගය වෙනස්ව සජිත් ප්‍රේමදාස ඉදිරියට පැමිණ ඇති බවට ලැබී ඇති නවතම මැතිවරණ සමීක්ෂණ වාර්තා නිසයි.

දේශපාලන ආරංචිමාර්ග සඳහන් කරන ආකාරයට ගෝඨාභය රාජපක්ෂට සහය දක්වන්න ගාල්ල කරාපිටියේ පසුගියදා සංවිධානය කර තිබූ ජන හමුවෙන් පසුව පොදුජන පෙරමුණේ නායකයන් රාත්‍රී ආහාරය සඳහා රමේෂ් පතිරණ මන්ත්‍රීවරයාගේ නිවසේදී රැස්ව තිබේ.
ගෝඨාභය රාජපක්ෂ මහතාට මෙවර ජනාධිපතිවරණය ජය ගැනීමට ඉඩ දුනහොත් එක්සත් ජාතික පක්‍ෂයට නැවත් ආණ්ඩුවක් පිහිටුවීම තවත් වසර 25-30කට නොහැකි බව එජාප පාර්ලිමේන්තු මන්තී‍්‍ර ෆීල්ඞ් මාර්ෂල් සරත් ෆොන්සේකා මහතා සදහන් කරයි.
හිටපු ආරක්‍ෂක ලේකම් ගෝටාභය රාජපක්‍ෂ මහතාට එරෙහිව විභාග වන නඩුවක සාක්‍ෂි කැදවීම ඔක්තොම්බර් 14 වැනිදා දක්වා අත්හිටුවීම ශ්‍රේෂ්ඨාධිකරණය අද නියෝග කලේය.
කොළඹ ෂැංග‍්‍රිලා හෝටලයේදී පැවති වියත්මග වාර්ෂික සමුළුව අමතමින් හිටපු ආරක්‍ෂත ලේකම්, ශ‍්‍රී ලංකා පොදුජන පෙරමුණ ජනාධිපති අපේක්ෂක ගෝඨාභය රාජපක්ෂ මහතා විසින් සිදු කරන ලද සම්පුර්ණ දේශණය මෙහි දැක්වෙයි.

රජයක අරමුණ විය යුත්තේ පලදායී පුරවැසියෙක්, සතුටින් ජීවත් වන පවුලක්, විනය ගරුක සමාජයක් හා සෞභාග්‍යමත් දේශයක් ගොඩනැගීමයි.අපි අද හමුවන වියත්මග තුන්වන වාර්ෂික සමුළුවේදී, මා බලාපොරොත්තු වන්නේ මෙම අරමුණ ඉටු කරගත හැකි ආකාරය පිළිබඳව කතිකාවකට මුල පුරන්නයි.ශ්‍රී ලංකාව නිදහස්, ස්වෛරී, ස්වාධීන, රටක්.පෙර අපෙරදිග යාකරන ප්‍රධාන මුහුදු මාර්ගයේ ඉතාමත්ම කේන්ද්‍රීය ස්ථානයක පිහිටා ඇති අපේ රටේ සුවිශේෂි භූගෝලීය පිහිටීම නිසා අද ලංකාව කලාපීය මෙන්ම ජාත්‍යන්තර බලවතුන්ගේ විශේෂ අවධානයක් දිනාගෙන තිබෙනවා. මෙම අභියෝගයන් හමුවේ නොසැලී මව්බිමේ ස්වෛරීත්වය ආරක්ෂා කිරීම රජයේ මූලික වගකීමක් වෙනවා. මින් පෙර ඇමෙරිකාව හා රුසියාව ලෝකයේ ප්‍රධාන බලකඳවුරු දෙක ලෙස තිබුන කාලයේ අනෙකුත් දියුණු රටවල් බොහෝමයක් මින් එක රටක් සමඟ කඳවුරු ගතව සිටියා. නොබැඳි රටවල් ලෙස සිටියේ බොහෝ විට දියුණු වෙමින් පවතින රටවල් සමුහයක්. ලංකාවත් එදා නොබැඳි රටක්. තවමත් ලෝකයේ ආර්ථික බලවතා ලෙස සිටින්නේ ඇමෙරිකාවයි. වේගවත් ආර්ථික සංවර්ධන ක්‍රියාවලියක් හරහා අද ඇමෙරිකාවට ප්‍රධාන අභියෝගය බවට පත් වී සිටින්නේ චීනයයි.
ශ්‍රී ලංකා නිදහස් පක්‍ෂය සමඟ පැවැත්වූ සාකච්ඡාව සාර්ථකව අවසන් වූ බවත් තමන්ට ඔවුන්ගේ සහය ලැබෙනු ඇතැයි විශ්වාසකරන බවත් ශ්‍රී ලංකා පොදුජන පෙරමුණේ ජනාධිපතිවරණ අපේක්‍ෂක ගෝඨාභය රාජපක්‍ෂ මහතා පැවැසීය.

නව දේශපාලන සන්ධානයක් ගොඩනැගීම සඳහා ශ්‍රී ලංකා පොදුජන පෙරමුණ හා ශ්‍රී ලංකා නිදහස් පක්‍ෂය පවත්වන සාකච්ඡා මාලාවේ අටවැනි සාකච්ඡාව කොළඹ -07, ශ්‍රීමත් මාකස් ප‍්‍රනාන්දු මාවතේ පිහිටි විපක්‍ෂනායක කාර්යාලයේදී ඊයේ (06) පස්වරුවේදී පැවැත්විණ.

පාස්කු ඉරිදා ත්‍ රස්ත ප්‍ රහාරය සම්බන්ධයෙන් ගෝඨාභය රාජපක්ෂ විසින් පසුගියදා(25) දින විශේෂ මාධ්‍ය නිවේදනයක් නිකුත් කර තිබෙනවා.

ඒ සම්බන්ධයෙන් ප්‍රකාශයක් කරමින් නිකුත් කරන යතුරුපැදිකරුවන්ගේ සංගමයේ සභාපති චිරන්ත අමරසිංහ වීඩියෝවක් නිකුත් කරමින් ගෝඨාභය රාජපක්ෂ හට කියා සිටින්නේ පාහර දේශපාලනයට සූදානම් නොවන ලෙසයි.

බෙලිඅත්තේ තමුන්නාන්සේලාගේ නායකයා 1970 දී බලයට පත් කරන්නට මා එවකට පාසල් ශිෂ්‍යයකු ලෙස මේ බෙලිඅත්තෙ ගෙන්ගෙට ගියා. මා බෙලිඅත්තේ ජනතාවට ආගන්තුකයෙක් නෙවෙයි.

ශ‍්‍රී ලංකා පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතා එසේ පැවසුවේ පෙරේදා (17 දා) පෙරවරුවේ බෙලිඅත්ත ප‍්‍රධාන වටරවුම අසල පැවති පිළිගැනීමේ රැස්වීම අමතා කතා කරමිනි.
ගෝඨාභය රාජපක්ෂට ජනාධිපතිවරණය සඳහා ඉදිරිපත් වීමට රටේ නීතිය අනූව මෙතෙක් ඉඩක් නොමැති බවත් ඒ ඔහු තවමත් ඇමරිකානු පුරවැසියකු නිසා බවත් පාර්ලිමේන්තු මන්ත්‍රී කුමාර වෙල්ගම පවසයි.

මන්ත්‍රීවරයා මේ බව සදහන් කර සිටියේ ඊයේ (17) මතුගම ප්‍රදේශයේ පැවති මහේන්ද්‍රා වාහන එකලස් කිරීමේ කර්මාන්තශාලාව විවෘත කිරීමේ අවස්ථාවට එක්වෙමින් මාධ්‍ය වෙත අදහස් දක්වමින්ය.
ඉදිරි ජනාධිපතිධුර අපේක්ෂකත්වය ඇතුළු තීරණාත්මක දේශපාලන කාරණා ගණනාවක් ගැන ජනාධිපතිවරයා සමඟ සාකච්ඡා කිරීමට හිටපු ආරක්ෂක ලේකම් ගෝඨාභය රාජපක්ෂ මහතා තීරණය කර ඇත.
ආරක්ෂක අමාත්‍යාංශයේ හිටපු ලේකම් ගෝඨාභය රාජපක්ෂ මෙරට බුද්ධි අංශ පවත්වාගෙන ගිය ක්‍රමවේදය යළි ස්ථාපිත කළ යුතු බව අමෙරිකා එක්සත් ජනපදයේ දකුණු සහ මධ්‍යම ආසියානු කටයුතු පිළිබඳ හිටපු සහකාර රාජ්‍ය ලේකම් රොබට් ඕ බ්ලේක් පවසා ඇත.

ශ්‍රී ලංකාවේ හිටපු අමෙරිකානු තානාපතිවරයෙකු ද වන බ්ලේක් මේ බව පැවසුවේ, කොළඹ බණ්ඩාරනායක සම්මන්ත්‍රණ ශාලාවේදී දේශනයක් පවත්වමිනි.

නමුත් ඒ දේශනය හුදෙකලා දේශනයක් නොවන අතර ඒ සම්බන්ධව විශේෂ තොරතුරු කිහිපයක් අප සතුව පවතී.
මීළඟ ජනාධිපතිවරණයට ඉදිරිපත්වීමේ බලාපොරොත්තුවෙන් සිටින ගෝඨාභය රාජපක්ෂ මහතාට ඇමෙරිකානු පුරවැසිභාවය අහෝසි කරගැනීමට නොහැකි වුවහොත් ජනාධිපතිවරණ අපේක්ෂකත්වය නොලැබෙනු ඇති බවත්, මේ වනවිට ගෝඨාභය රාජපක් ෂ මහතාගේ ඇමෙරිකානු පුරවැසිභාවය ඉවත් කරගැනීමේ කටයුතු ප‍්‍රමාද වීමේ ඉඩක් තිබෙන බවත් වාර්තා වෙයි.

මෙම ප‍්‍රමාදය සඳහා බලපා ඇති එක් කරුණක් වන්නේ තම ඇමෙරිකානු පුරවැසිභාවය ඉවත් කරගැනීමේ අයදුම්පත‍්‍රය ගෝඨාභය රාජපක්ෂ මහතා පසුගිය සතියේදී ඉදිරිපත් කර තිබීමත්, ඒ සඳහා සාමාන්‍යයෙන් මාස කිහිපයක සිට අවුරුද්දක් දක්වා කාලයක් ගතවීමත්ය.
ලසන්ත ඝාතනයට සම්බන්ධ බව පෙන්වා
මා අත්අඩංගුවට ගන්න
ආණ්‌ඩුව හේතු සොයනවා
ගෝඨා කියන අමුතු කතාව


පසුගිය කාලය තුළ ඇවන්ගාර්ඩ්, රක්‌නා ලංකා, මිග් ගනුදෙනුව ආදී වශයෙන් විවිධ විමර්ශන පවත්වමින් තම චරිතය ඝාතනය කළ වත්මන් රජය දැන් අලුත්ම ප්‍රයත්නය ලෙස මාධ්‍යවේදී ලසන්ත වික්‍රමතුංග ඝාතනයට තමන්ගේ සම්බන්ධයක්‌ ඇතැයි රටට ඒත්තු ගන්වා තමන් අත්අඩංගුවට ගැනීමට හේතුවක්‌ සොයන බව හිටපු ආරක්‍ෂක ලේකම් ගෝඨාභය රාජපක්‍ෂ මහතා නිවේදනයක්‌ නිකුත් කරමින් සඳහන් කරයි. 

මෑත කාලීන ප්‍රවෘත්ති සහ ආණ්‌ඩු පක්‍ෂයේ විවිධ දේශපාලනඥයන්ගේ ප්‍රකාශවලින් ඒ බව මනාව පෙනී යන බවද ඒ මහතා කියා සිටියි.

දේශපාලන මඩ ප්‍රචාරයන්ට අනුව ලසන්ත ඝාතනය සිදු වූයේ මිග් යානා ගනුදෙනුව පිළිබඳ ඔහු විසින් කරන්නට ගිය හෙළි කිරීම් නිසා යෑයි කියෑවුණද මේ සාවද්‍ය ප්‍රකාශ කරන අයට අමතක වී තිබෙන සුවිශේෂී කරුණ වන්නේ තමාට අපහාස වන ආකාරයට අසත්‍ය ප්‍රවෘත්ති පළ කිරීම පිළිබඳව ලසන්ත කර්තෘත්වය දැරූ සන්ඩේ ලීඩර් පුවත්පතට එරෙහිව තමන් එදා නඩු පැවරුවේ යෑයි යන්න බවද ගෝඨාභය රාජපක්‍ෂ මහතා එමගින් පෙන්වා දෙයි.

gossip lanka News hot news gossip , gossip lanka neth news gossip lanka news , gossip sinhal, Sri Lanka Sinhala gossip

_____________________________________________________________________________________

Advertisements

Facebook

Advertisements